UNEDICeko erreforma pasa da, LAB sindikatako erreakzioa

Erretreten kontrako erreforma, kanporaketak errexten dituen « enpleguaren sekuritatea »ren legea, eta baldintzarik gabe nagusiak finantzatzen dituen ardura hitzarmenaren ondotik, UNEDIC itunak sozial bermeen zangopilatzen segitzen du, baita herritar gehiengoaren bizi baldintzen suntsitzen. 2014 uztailaren 1etik abian den itun honek Laneko ministroaren onespena lortua du

Hitzarmen berri honen mamia :

«Langabeen langabezia­sari eskubideen berkargatzeak». Orain arte ez bezala, lanean hasten den eta

eskubide guziak erabiliak ez dituen langabetu batek,berantago bere lan berri hori galduko balu, gelditzen zaizkion langabeziko eskubideak atxikiko lituzke.

Gelditzen zaizkion eskubide horiek ez ditu hasierako langabezia­sari epean 150 orenez lan egin badu baizikerabiltzen ahalko.

Egiazko helburua : langabeak lan egitera behartzea, edozein lan izanik ere. «Berkargatzeko eskubide horiek » prekaritatea kentzeko ordez oraindik gehiago emenda dezake. Horrez gain,

behin behineko langileak eta ikusgarrietako intermitenteak oraindik bortizkiago erasotzeko erabiliak dira.

Beste neurri batzuek ere langabeak gaztigatzen dituzte.

Adineko jendeek, erretreta osoa izan arte, ez dituzte alokazioak atxikitzen ahalko 62 urtetik goiti baizik ­eta ez 61 urtetik goiti­. Hemendik goiti, 65 urtetik goitiko adinekoek ere kotizatu beharko dute.

Langabezia asurantza murriztuko da. Langabezi asurantzak kalkulatzen duen «ordezko tasa » % 57,4tik %57ra pasatuko da. Beraz, oraindik eros ahalmen gutiago.

Langabezia­saria hunkitzeko epea 180 egunekoa izanen da, langileak eskuratuko dituen legezko kalte ordainen arabera ; gaur egun 75 egunekoa delarik. Errannahi baitu langabe batzuek ez dutela Enplegu Gunetikzentimorik hunkituko 6 edo 7 hilabetez ! Horrela,nagusiarengadik « gainerateko » kalte ordain zerbait lortu duten langileak zigortuak dira, edo langile horiek ez dute gehiago kalte ordainik eskatuko nagusiei !

Prud'hommes­etako kontseiluak arau kontrako kanporatze gisa ezagutua duen kanporatze kasuan ere kalte ordainak(damu domaiak eta interesak) kontutan hartuak izanen dira langabezia­saria hunkitzeko epearen kalkuluan. Eta horrez gain, neurri hau gibel­ondoriodun litzateke. Molde honetan, edozein jazarpen molde, gizabanakoa barne,baztertu nahi dute.

Itun honen irabazle handiak …. nagusiak dira ! Berriz ere, nagusiek langabeen bizkar ematen dute haien kanporatze eta enplegu prekario politikaren kostua.

Enpresaren kotizazioak ber heinean atxikiak izatea lortu dute.

Mobilizatu eta borrokatu

Berriz ere, neurri hauen ondorioak jasaten dituztenak langileak dira ! Alabaina, neurri hauek batzuen diru interesei lehentasuna ematen diete eta ez ekoizten dutenen interesei.

Enplegu gunean zerrendatuak diren langabetuen erdiak ez du indemnizaziorik eskuratzen ; egunero, milaka jende enplegu guneko zerrendetatik ezabatzen dituzte,prekaritatea ezin gorago doa. Deus ez da aurrikusten lanik gabe gelditzen direnak aski ongi indemnizatuak izateko.

Afera hau denena dugu !

Langabezia­sariak gure hilabete sarietarik kenduak diren kotizazioen bitartez finantzatuak dira. MEDEF eta UNEDIC­en helburua : gaurko mutualizazio sistema asurantza pribatu baten sistemarekin ordezkatzea.

Aberastasunaren bestelako banaketa baten bidez, denek irabazi duina izatea posible da !

Aldarrikatzen dugu :

­ Indemnizazio eskubidea lan egindako lehen egunetik abiatzea eta langabezia­saria lan egindako

denboraren arabera kalkulatzea.

­ Nagusien kotizazio sozialen apaltzearen gelditzea eta kotizazio hauen emendatzea.

­ Kapitala nahiz ontasunen irabazien eta kontratu labur eta prekario erabilpena zergapetzea.

­ Zigor­erradiazioak, zuzenkontrako zorrak eta gehiegizko kontrolak berehala bertan behera uztea !

­ Jendetasunezko jokabidea duen Enplegu Gunea : ahal gehiago, langile gehiago, informazio gehiago, egiazko enplegu zerbitzu publikoa izan dadin.

Deusetarako balio ez duten formakuntzak bertan behera uztea !

­ Ahal gehiago ematea libreki hautatutako formakuntzentzat.

­ Langabe eta prekarioen elkarteen ikusmoldea kontutan atxikitzea haien geroa erabakitzen den gune orotan. Langileek kutxa autokudeaketzea 1967ko ordonantza aintzin zen bezala.

Eta orokorrean...

­ Lan denboraren murrizte handia.

­ Lan sari eta langabezia­sarien funtsezko emendatzea, apalena 1 500 eurokoa garbi izanez.