11 février 2016

EPPKk hitz egiten duelarik: "Berariazko bidegabekeria"

https://p5.storage.canalblog.com/57/81/1059511/109043158.png

«Eginahalak eta bi egiten ari da bahituta gauzkan Estatu espainiarra konponbideari ateak ixteko. Horretarako, Estatu frantsesaren lankidetza du, beste garai batzuetan konponbidearen alde egondako zenbait eragileenarekin. Azken hauek beren jarrera aldatu edota konponbidearen alde egin zezaketena baldintzapean eta interes berekoien menpe jarria dutelako. ETAk borroka armatua bertan behera utzi ostean horrela joka zezaketenik inork pentsatu ezingo bazuen ere.

»Konponbidearen bidea oztopatua dagoen bitartean, kartzeletako egoera gero eta gordinagoa da. Eta zenbait kiderena are gordinagoa, adinagatik edo gaixotasunagatik. Azken lau urteotan Kolektiboa osatzen dugun kideen kopuruak behera egin arren, ez da aldaketa nabarmenik ez deportazioan ez dispertsioan, eta horrela, kideak talde txikitan sakabanatuta gauzkate. Ondorioz, bakartuta dauden kideen kopuruak gora egin du, bereziki andrezkoentzako paratu modulu berezietan giltzapetutakoentzat. Gure eta gure senideen aurkako zigor erantsi horren helburua ez da aldatu: gure herriarekin, askapen prozesuarekin eta maite gaituztenekin ahalik eta harreman txikiena izan dezagun.

»Gainera, urteen zamak gure senide eta hurbilekoak kolpatzen ditu. Eta Estatu espainiarraren errepresioak gureganako elkartasun oro mehatxatzen eta zigortzen.

»ETA erakundeak borroka armatua bertan behera uzteko deliberoa jakitera eman zuenez geroztik zabaldutako ziklo politiko berri horren aurrean behar bezala kokatzeko zailtasunak ez ditu faltan izan EPPK-k. Ez ditugu hemen azalpen luzeak emango zer nolako baldintzetan barneratu behar izan duen Kolektiboko kide bakoitzak egoera berrira ekarri gaituen hausnarketa politikoa.

»Eskuzabalki erantzun dio EPPK-k egin zaizkion galde orori. Beti ere, gure Herrira konponbidea eta askatasuna ekarri behar dituen prozesuaren hobe beharrez. Eta, gauzkaten ziega barrenetatik, harriduraz ikusi dugu zer nolako zekenkeriaz erantzun duten arduradun politikoek Euskal Herrian zabaldutako egoera berriaren aurrean. Gure harridurak ez du luze iraun ordea: lehengo lepotik burua erakutsi dute gatazkaren erantzuleek.

»Gure kide ohi batzuen ibilbide tristea adibidetzat jarriz, damutzea eskatzen zaigu, ez garela damutuko jakinda; kideak sala ditzagun eskatzen zaigu, ez ditugula salatuko jakinda; sinesten ez duguna esatera akuilatzen gaituzte, halakorik ez dugula egingo jakinda. Horrek izen bakarra dauka: berariazko bidegabekeria.

»Memoria, autokritika, bizikidetza, bakea... Hitz eder askoak agertu dira politikarien ahotan. Zer esaten duten eta zer egiten duten ikusita ordea, ez dirudi hitz horiek guretzat eta haientzat daukaten esanahia berdina denik. Areago, badirudi hitz horiek konponbidean zintzoki aurrera egiteko bidesari eta aduana gisa ipintzen dizkigutela.

»Haien legeak bihurritzen dituzte beren intereserako. Eta legeak aski ez zaizkienean, berriak asmatzen dituzte. Gatazka betikotzeko.

»Frantziako eta Espainiako kartzeletan hortzak estututa ekiten diogu egunari. Eta berdin amaitzen dugu. Gaixo dauden kideek jasaten duten eguneroko tortura horren aurrean ezintasunez beterik. Zanpatzen gaituzten estatuek berek onetsitako legedi eta arauak bihurrituz kideen zigor urteak nola luzatzen diren ikustean ezintasunez beterik. Jadanik gatibu gaituztenak zigortzen jarraitzeko aspaldiko auziei hautsa kendu eta akusazio berriak eta kondena potoloak haur lainezentzako gozokiak bezala nola banatzen dituzten jakitean ezintasunez beterik. Gizarte honetako bidegabekeriari aurre egin eta gure herria eraikitzen laguntzeko askatasunik ez izateagatik ezintasunez beterik.

»Hortzak estututa, bai, baina burua tente. Eta borrokak emandako bizipozaren grina gugan. Eta behar den bezainbeste denbora eusteko prest. Horretan gal bezate esperantza estatuetako boteredunek eta beren jopuek. Orain arteko bideak ekarri gaituelako hona, eta badakigulako Euskal Herriaren askatasunaren ordua gero eta hurbilago dagoela. Eskertuta gaude Euskal Herriaren askatasunaren bidean gure alea jartzeko aukera izan dugulako. Eta horretan jarraituko dugu: behar denerako prest.

»Iazko azken hilabetean, EPPK-ko kide batzuen eta euskal presoen amnistia eskatzen duen antolakunde baten artean polemika gogor batek eztanda egin du. Presoon askatasuna lortzeko ahaleginean ari den inork ez zuen pozik hartuko gertatutakoa. Guztioi da hausnartzea zertan ari garen eta zeintzuk diren norberaren helburuak eta helburu horiek lortzeko ibili beharreko bideak. EPPK anitza da, kartzelara ekarri gintuzten arrazoiak askotarikoak dira, gutariko bakoitzaren ibilbidea, bai kaleko borrokan eta baita kartzelan ere anitza da. Ezker abertzalearen barruan kokatzen da EPPK, gutako bakoitzak eta Ezker abertzalearen ekimen eta ekinaren gaineko bere iritzia izanda ere.

»Lerro hauen bidez eskertu nahi ditugu preso politikoon alde, bai orokorrean eta bai kasu zehatzak eskabidetzat hartuta Euskal Herrian eta nazioartean burutu eta burutzen ari diren ekimen anitzak: manifestazio, elkarretaratze, barau, sinadura bilketa... Eta bereziki, Ernaiko gazteek gure argazkiak soinetan zituztela lau hiriburutan antolatutako kateatzeak eta urtarrilaren 9an Sare eta Bagoaz! elkarteek antolatutako manifestaziotara hurbildutako dozenaka mila erkideak.

»Urtarrilaren 9an bisita-greba egin genuen, gure senide eta lagunek manifestazio horietan herritarren maitasuna eta adorea jaso ahal izan zezaten. Ondorengo ikustaldietan, gutunetan eta telefono deietan geureganatu zizkiguten. Milesker!

»Gauzak horrela, gure Euskal Herriratzea eskatzen jarraitzen dugu: legezkoa delako, bidezkoa delako, gure senide eta hurkoek pairatzen duten zigor erantsiari amaiera eman behar zaiolako, bakea eta askatasunaren bidean urrats erraldoia izango delako.

»Eta bereziki eskatzen dugu larri gaixo dauden gure burkideak askatuak izan daitezen. Otsailaren amaiera aldean erabakiko du Frantziako tribunal batek oso larri dagoen Lorentxa Gimon Kolektiboko bozeramalearen askatasuna.

»Horren karietarat, EPPK-ko kideok, otsailaren 15etik 20ra bitartean hainbat ekimen burutuko dugu gaixo larri dauden presoen askatasuna eskatzeko. Kartzela bakoitzeko batzarrak erabakiko du zer nolako ekimenak burutu aste horren barruan (itxialdi, bazka-errefusa, propaganda ekimen, planto informatiboak...), otsailaren 20an, larunbata, guztiok barau egingo dugularik.

»Denon artean lortuko dugu!

»Euskal Herria bihotzean, 2016ko urtarrila.

»EPPK Euskal Preso Politikoen Kolektiboa.

»Euskal presoak Euskal Herrira! Amnistia! Autodeterminazioa!».

Posté par harobi à 08:42 - Permalien [#]
Tags :


07 février 2016

Eneko Gogeaskoetxearen kontra 95 urte

Eneko Gogeaskoetxea ezaguna da herrian, bere familia ere, abertzaleak beti parte hartu izan dute herriko bizian nahiz eta gaur egun adin handiakoak izan burasoak. Eneko Gogeaskoetxearen kontra Espainako Audiencia nacionalak 95 urteko kartzela zigorra eskatzen dute atentatu batengatik.

Posté par harobi à 23:07 - Permalien [#]
Tags :

04 février 2016

Amiengo Goodyear lantegiko 8 sindikalista 9 hilabeterako zigorra

 

syndicaliste good year bilaketarekin bat datozen irudiak

1173 langile kanporatu behar zituzten. Horren salatzeko bi zuzendari atxiki zituzten enpresaren barnean, eremu batzuk beren eskuetan hartuz. Ondoren salaketak zirela eta borroka luzeak eraman zituzten langileek. Borrokak eta azkenean auzia, epaiketa egindako ekintzengatik. Bahitutakoek salaketa kendu zuten eta hala ere auziak aurrera joan zen. Urtarrilan epaia emana izan da eta 9 hilabeteko zigorra jasan dute.

Posté par harobi à 22:01 - Permalien [#]
Tags :

Larrialdi egoera luzatzen

prolongation etat d'urgence LDH bilaketarekin bat datozen irudiak

Joan den asteazkenetik bagenekien gobernuak larrialdi egoeraren luzatzeko erabakia hartua zuela. Parlamentuak hiru hilabeterako luzapena bozkatu egin du, Senatuak ondoren. Oso boz gutxik hitz egin dute horren kritika egiteko, Senatuak iaia boz batez horren alde bozkatu du.

Luzapen honek oso kritika gutxi biltzen ditu eremu politikoengandik, batzuek, komunista edo ekologistak batzuek libertateak lanjeran jartzen ari dira baina une politikoan kontra bozkatzera ez dira ausartzen. Abstenzioa hautatzen dute.

Politikoek Gobernuaren aurka joateko ausardiarik ez badute epaileek salatzen dituzte exekutiboak lortzen dituen eskubideak.

Lege berri honekin interneteko kontuen hesteko eskubidea du exekutiboak. Etxe miaketak eginen dira epaile baten baimenik gabe. Neurri honek ez ditu epaileak, diputatuak edo abokatuak hunkitzen.Etxean egoteko behartzeak indartzen dira ere.Horiek dira besteak beste legearen zabaltzeak.

Epaileak kezkatuak agertzen ari dira prozedura askotatik baztertzen baitira, podere judiziala ahulduz. Epaileen presentzia hasitako edozoin prozeduran oinarrizko eskubideen babesa segurtatzen zenaren sentimentua zegoen orai arte. Lege berriarekin epaileen baztertzea, poliziaren eskumena indartzearekin kezka hedatzen ari da. Giza eskubideen ligak(LDH) Estatu Kontseiluari eskatua zion luzapenaren ez baimentzeko. Haatik Estatu Kontseiluak baimen hori eman dio gobernuari.

Zonbait protestaldi antolatuak izan dira. Baionan ere bat antolatu zen Herriko Etxearen aurrean joan den larunbatean. EHbaik ere deitua zuen.

Horrelako egoera noraino eramanen den jakitea zaila da. Indar progresistak ez dira indarrean frantses estatuan eta neurri berriek ez dute oztopo handirik aurkitzen erabakien aitzinean.

Mugan berean askotan ikusten dira lerro luzeak, zalantzarik gabe garraiolari enpresek diru galtze ederrak izan dituzkete azken hilabeteetan. Alta ez da protestarik entzuten. Badakigu grebengatik, bide trabak daudelarik, protestak entzuten dira berehala, denbora galtze eta diru galtzeengatik. Kasu horretan, hiru hilabete berantago ez da deus erraten. Zaila da ulertzea.

Frantzian estatu poliziala martxan dago, protestarik entzun gabe iaia.

 

Posté par harobi à 21:15 - Permalien [#]
Tags :

14 janvier 2016

Paris match ere euskal auziaz

Maiz ez baita gertatzen, interesgarria da Paris Match ere euskal auziaz hitz egin duela aipatzea beharrezkoa dela iruditzen zaigu. Atzo Madrilen gertatutakoaz hitz egiten du AFP-ren berria agertuz. Bertan ez dituzte euskal presoak aburu, ez dute erraten espainak eta Frantziak ez dituztela beren legediak errezpetatzen iritzi, soilik agertzen dute auziperatuek izenpetu dutena azaltzen.

Noski izenpetutakoa nonbait arriskupean ematen ditu auziperatueak, erakunde armatu batekin harremanetan izan direla izenpetzea beren geroa ere  berun pean jartzen baititu. Gainera politika soilik egiteagatik kondenatua izatea nahiko larria izanez izenpetze horrek inongo deliturik egin gabe delitu baten aitortza demokrazia mailaren ideia bat ematen du.

Epaile batek zioen dena zela ETA, horrekin jarraitzen dute bertan. Prentsak noski indartsuaren oihartzuna egiten da.Hau da Paris Matchen diskurtsoa:

En vertu de la transaction pénale formalisée mercredi, "les 35 indépendantistes jugés ont admis le délit de participation à une organisation terroriste et en contrepartie le parquet s'est engagé à ne pas demander leur incarcération", a expliqué à l'AFP à Madrid l'avocat de trois des 35 militants jugés, Araiz Urko.

Selon l'accord dont l'AFP a pu consulter une copie, les signataires "reconnaissent leur participation aux faits, en assumant que leurs agissements étaient contraires à la législation en vigueur".

Ils signent en outre leur "engagement à renoncer à toute activité en lien avec l'usage de la violence, en souhaitant que cette reconnaissance contribue à la réparation des dommages et souffrances qui ont été causés aux victimes du terrorisme".

Par ailleurs, "ils ne pourront pas être élus, durant la période de temps de leur condamnation", a précisé Me Urko.

Les 35 militants - dont des dirigeants historiques du parti Batasuna, Pernando Barrena et Juan Jose Petriconera - encouraient normalement jusqu'à dix ans d'emprisonnement et l'interdiction d'exercer des mandats publics pendant au moins dix ans.

Chacun devait répondre d'activités politiques - signatures d'articles, conférences de presse, meetings... - menées après l'interdiction en Espagne du parti Batasuna, considérée comme la branche politique d'ETA, et de deux autres formations, Action nationaliste basque (ANV) et Parti communiste des terres basques (PCTV).

Tous avaient catégoriquement nié avoir "reçu des ordres" de l'ETA ou "servi la stratégie" de l'organisation clandestine. Ils s'étaient en revanche dits "fiers" d'avoir "contribué au processus de paix au Pays basque".

Posté par harobi à 11:31 - Permalien [#]
Tags : ,


13 janvier 2016

Sortu eta presoak, argitzeak

Posté par harobi à 14:21 - Permalien [#]
Tags : , ,

11 janvier 2016

Taubira alde omen

presoak bilaketarekin bat datozen irudiak

Asteburu honetako manifestaldien ondotik argi gelditzen da herritarrek euskal presoekiko duten atxikimendua. Milaka herritar atera dira eta alde batetik edo bestetik, modu batean edo besteak, metodologia bat edo beste izan dadin ere presoak txean nahi ditugu, hau zalantzarik gabe!

Goiz honetan sare sozialetan Colette Capdevielle diputatuak dio: Je peux vous affirmer la volonté de Christiane Taubira de traiter les dossiers des détenus basques info7.naiz.eus/eu/info_i7/201

Hitz horien gibelean zer dagoen jakitea ez da gauza erraza, zeren azken hilabete eta urteetan beste justizia ministrorik ez da izan eta ez da deus gertatu. Nola tratatzen ditue txosten horiek ba? Edo adierazpen merke eta soil bat ote da. Izan ere azken boladan ematen du deus egin gabe ere, edo gutxi eginez ere, abertzaleak "txintxoak" bihurtu garelako Frantziak politikaz aldatuko duela. Horrek desmobilizazioa ekar lezake. Zorionez hau oraindik ez da gertatzen eta Baionako manifestaldiak hori gogoratu dio gobernuari.

Askotan ikusten ditugu diputau eta senatari presoen aldeko jaudueretan, horrek ere esperantza sortzen du baina diputatu eta senatari berberek larrialdi egoerako lege berriak bozkatzen dituzte. Beren benetako jarrerari buruz, Parisen egiten duten presioari buruz zalantzak izateko bidea idekitzen digute.

Currin abokatuak zioen, duela egun batzuk eman elkarrizketan, Frantzia eta Espainako gatazkari buruz justizia koloniala eramaten duela. Arrazoi osoa dauka eta badaki zeratz hitz egiten duen. Gu horretaz jabetzen gara justizia transizionalaz hitz egiten dugularik. Izan ere justizia transizionala aipa daiteke erabaki politikoa hartua delarik, hartzen ez den bitartean justizia transizionala ez dago mahai gainean.

Presoen aldeko mobilizazioak, kalearen hartzea, bide nagusia izanen da presoen askatzeko. Beste bideak ere hor daude laguntzeko, baina estatuen zuhaitz mugiezina astinduko duena mobilizapena izanen da.

Posté par harobi à 14:19 - Permalien [#]
Tags : ,

09 janvier 2016

Erraldoia aurten ere

Résultat de recherche d'images pour "manif Bilbao 2016"

Aurten ere presoen aldeko mobilizazioa arrakastatsua izan da. Zenbakiek aldiz beste zerbait diote bereziki Naiz egunkari digitalaren arabera. Alta manifestaldi erraldoiaren irudiak ikusterakoa zaila ematen du erratea benetan zenbat jende zegoen. Garak beti izan du antolaketa berezia parte hartzaileen kopurua ebaluatzeko. Metotologia sinestu duguna orai arte. Zaila da erratea aldi honetan huts egin duela.

Baionak ere ederki erantzun du. Euskal presoen egoera frantses politika errepresiboaren icebergaren punta dira. Frantses gobernuak giza eskubideak zangopilatzen ditu. Horrek kezka sortzen du, herritar askoren artean, ez soilik abertzaleen artean. Giza eskubideak debate politikoaren ardian kokatzen ari dira Frantzian, horrek arnas berri bat ekar lezake presoen aldeko borrokari. Haatik ez da hau aski izanen presoen askatzeko.

Presoek beti mobilizatu izan dute, haiekiko elkartasuna handia izan da, aurten ere, haietako asko egoera larrian daudelarik.

Zenbaki behititze hori nola interpretatu? Batzuek erranen dute presoek gutxiago mobilizatzen dutela. Enfin, interesgarria izanen da  komentarioen entzutea.

Presoak gure borrokaren erdigunea dira, gure sentimenduen adierazle. Galdera asko daude mahai gainean. Borrokaren norabideak galdekatuko dituztenak.

Posté par harobi à 22:06 - Permalien [#]
Tags :

11 décembre 2015

Literaturak kritika behar du

Posté par harobi à 09:15 - Permalien [#]
Tags : ,

09 décembre 2015

Independentzia, esperantzarako.

Résultat de recherche d'images pour "independentzia"

Sekulako debateak sortu dira FN-aren emaitza dela eta. Doinu kulpabilizatzailea eta frente errepublikanoaren egiteko deia luzatzen da alde guztietatik. Dei horren ondorioa da zenbait tokitan eskuinaren indarra geldituko dela soilik. Ezkerreko ordezkaririk ez dela geldituko. Eskuinak ongi ulertu du afera, oso logikoa iruditzen zaio sozialistak jokotik ateratzea eta eskuinaren alde bozkatzea. Aitzitik ez dute sozialisten alde bozkatzera deitu nahi. Frente errepublikarrak zenbait zilo ditu dagoeneko.

Haatik, frentearen ideia oso garrantzitsua da Valls jaunarentzat dagoeneko 2017ko presidentzialentzat ikusten baitu Marine Le Pen bigarren itzulian izanen dela, frente errepublikarra beharrezkoa du alderdi sozialistak, bederen estrategia hori hautatzen bada alderdian Valls-ek bultzatzen duen bezala, alderdiaren hautagaia bigarren itzulian presidentziala irabazteko eskuinaren botoak ere beharrezkoak izanen ditu.

Baina, frentearen ildotik eskuin eta ezkerren arteko mugen ezabatzea dator, alegia gaur ezagutzen dugun alderdi sozialistaren desagertzea. Alegia alderdi sozialistaren eskuinera lerratzea. Egia da Macron ministroa hor dagoenetik, ideia liberalek panorama politikoa, erabaki politikoak berenganatu dituztela. Alderdian “les frondeurs “deitu zituztenak oldartu ziren baina gutxiengoan gelditu dira. Hor berean alderdiaren barneko zatiketa agerian zen. Noizbait zartatuko da.

Alderdiak ez dira erakargarriak, herritarren beharrei ez diete erantzuten eta komunikazioari garrantzia handiagoa ematen diote benetako herritarren beharrei baino. Komunikazioak gaina hartu dio politikari, gezurra edo gauza bat eta bere kontrakoa erratea ez die alderdiei arazorik sortzen.

IEHari doakionez, eskuin muturra hazten ari da. Politika sozialen eramateko dirurik ez da, estatuak dotazioak txikitu ditu. Zergak ez badira igotzen tokiko aurrekontuak ez dira beteko, edo hobeki errateko hautuak eginen dira.

Gure gizartean arazo gehien dituzten herritarrak ez dira ordezkatuak sentitzen, zerrendetan langileen ordezkarien kopurua oso txikia da. Horri ez zaio erantzuten.

Heldu diren hilabeteetan, eskualde batzuk irabazten baditu, FNk ahaleginak eginen ditu kudeaketan arazorik ez duela erakusteko, zergak txikitzen dituela eta herritarrei kasu egiten diela. Interesatzen zaiona presidentearen kargua bereganatzea baita. Horri erantzuna frente errepublikarra al da? Frantses nazionalismo gehiago? Edo beste antolaketen ikusteko debate berriak ez al dira sortu behar?

Abertzale gisa argi da, independentziarako bidea soilik balioko du esperantza sortzeko!

Posté par harobi à 09:30 - Permalien [#]
Tags : ,