Sarako auzapezak eta hautetsi guztiek bat egin dute Udalbiltzarekin
Udalbiltzak jakinarazi duenez, Sarako herriko kontseiluko auzapezak eta 22 hautetsiek bat egin dute Euskal Herriko hautetsien biltzarrarekin.Herriko bestak dituzte Saran eta, hori profitatuz, ekitaldi instituzionala egingo dute astelehenean. Euskal Herriko hautetsi guztiak 10.30etik aurrera herriko etxearen aurrean egingo den ekitaldian parte hartzera gonbidatu dituzte, baina baita ere herritar guziei hurbiltzeko deia luzatu diete.
Besteak beste, Battitt Laborde Sarako auzapeza mintzatuko da ekitaldian eta Mertxe Aizpurua Udalbiltzako lehendaria izango da berarekin batera.
Azken herriko bozen ondotik Lapurdiko, Baxe Nafarroako eta Zuberoako dozenaka hautetsik egin dute bat Udalbiltzarekin. Atxikipen prozesua oraindik ez da bukatu eta jada biltzarraren ordezkari kopurua aurreko legealdikoa baino handiagoa da.
Saran, esate baterako, Udalbiltzak ordezkari bakarra zuen eta, aldiz, orain, 23 dira biltzarreko kideak.(kazeta info)