Ale eta Hop maskotak eraman dituzte espetxe administrazioko idazkaritza nagusira.

Espainiako Estatuak presoen giza eskubideak "urratzen" jarraitzen duela salatu dute ekintzaren bitartez. Deitzaileen arabera, kartzeletako egoera "larritu" egiten da sakabanaketarekin, bakartzearekin eta gaixotasunekin.

 Gaixo dauden presoen egoera nabarmendu dute, eta gogorarazi kartzeletan ezin dutela gaixotasunei aurre egiteko beharrezko tratamendua jaso. Diotenez, medikuarenera joatea "sekulako odisea" da haientzat, eta "hilabeteetako" itxaronaldiaren ondoren eskuburdinekin eramaten dituzte ospitalera. "Osasunerako eskubidea kentzen ari zaie".

Hori horrela, gizarteari eta bereziki auzian esku hartzea duten erakundeei legedia betetzeko deia egin diete, eta gaixo dauden presoen eskubideak errespeta ditzatela. Munduko Saskibaloi Txapelketako finalaren harira, "giza eskubideen munduko txapelketan" inplikatzeko eskatu diete.(Berria)

Aste honetan Taubira barne eta justizia ministroekin bildu da Madrilen. Euskal presoetaz hitz egin du, gai hori inoiz ez delarik aipatzen frantses komunikabideetan ez eta frantses politikan. Orohar presoen gaia ez da lerro buruetan. Adierazi du euskal presoek, ehun bat daude, Espainara joateko eskaera egiten badute eta Espainak onartzen badu aztertzen ahal litzatekeela. Formula horrek baldintza asko jartzen ditu eta ez da argi presondegiratze baldintzak hobeak direnik Espainan. Ikusi behar. Gisa guztiz presoek egin behar dute eskaera, alegia legeak ez duela erraten preso batek zigorra bete behar duela familiatik hurbil. Ez dakigu ministroa zertarako den, legea betearazteko behintzat ez du ematen. 

Bestalde, frantses nazionalitatea dutenek ere familiarengandik hurbil egon behar lukete baina zigorrak gero eta gogorragoak jartzen dizkiete baldintzapeko askatasuna ukatzen baitzaie 24 urte bete eta gero.

Hots ministroak politikaz ez du hitz egiten, mendekua du gogoan. Presioa presoen gainean jartzen du.El paisek eman ditu berria eta zehetasunak.

Fleury espetxean (Frantzia) zegoen Azpitarte, Soriakoan zegoen Loizaga eta Mansillan Juaristi (Espainia).Asier Virumbrales, Xabin Juaristi, Iñaki Loizaga eta Gorka Azpitarte euskal preso politikoak #aske !! #laugutxiago Kondena bete ostean....Eta bai Frantziako presondegietan euskal preso politikoak daude, oraindik mila kilometrotan, gaixorik ere. Bapaumes herrian ere, Belgikako mugan! Gogoan al dugu benetan zer suposatzen duen familientzat Noiz arte jasan behar al dugu errealitate hori sozialistengandik gure bozak ematen dizkiegularik?

Jurdan Martitegi Lizaso, Arkaitz Goicoetxea Basabe eta Íñigo Gutiérrez Carrillo epaitzen dituzte aste honetan Madrilgo ANn. Bakoitzarentzat 675 urte eskatzen dituzte fiskalak eta AVTk. 2008an iragan zen ekintza, zazpi zauritu eragin zituen gehi ondatze materiala. Ez zen inor hil. Nahiko gehiegizkoa ematen du eskaera, mendeku usain gordina du. Asteburu honetan Bake Forumean aipatu den Justizia transizionala nahiko urrun gelditzen da. Bestalde Inigo Gutuerrezen bi lagun etorri dira lekuko gisa egun horretan, ekintza egin zen egunean, heiekin baitzen. Ondorioz ezin izan du parte hartu ekintza honetan. Jakinez poliziaren erranak froga gisa onartuak izaten direla zaila da pentsatzea nahiz eta lekukoak egon, Espainako justiziak askatuko duela.Bestalde ekintzaren ardura dutela frogatzeko askotan poliziaren lekukotasuna nahiko izaten da askotan. Prentsak bere aldetik kondenatua ditu. Jurdane,erakundearen militantea izatea aitortu du eta arrotasunez eta duintasunez eramandako lanaz hitz egin du.

Gaur Jurdan Martitegi (7 urte), Gorka Azpitarte(5 urte kartzela) eta Alexander Uriarte (4urte kartzela) kondenatuak izan dira Parisen. Leporatzen zizkioten ekintza guztien arduradun zirela diote. Horrela kartzela zigorrez gain frantses eremutik kanporatzen dituzte zigorra betez gero. Uriarte libre zenez Ipar Euskal Herrian bizi zen, kondenaren ondorioz EHtik alde egin beharko du. Argi da frantses sozialistek bake prozesua ez dutela ezertan laguntzen!