Ibon Fernandez Iradiren aldeko giza katea eginen da larunbatean

Ibon Fernandez Iradiren zigor suspentsioaren auzia burutuko da maiatzaren 12an, astelehena. Kari horretara, Herrirak giza kate bat antolatuko du larunbatean Baionan goizeko 11etan, herriko etxetik

Esklerosi anizkoitza du Fernandez Iradik eta joan den otsailaren 12an, haren familia eta osasun arloko eragileek, preso politikoaren espetxe zigorra etetea galdetu zuten Baionan egindako agerraldi batean.

Lannemezango espetxean (Frantzia) dago preso. 2010ean, bere eritasunaren lehen sintomoak izan zituen eta iaz, eskloreosi aniskoitza atzeman zioten. “Hiru urte eta erdiz egunero bataila batean dago” salatu du Herrirak. Gaixotasun larria, sendaezina, eta kalte fisiko eta psikologikoak eragiten dizkie gaixoei. Gertutik segitu behar den eritasuna dela nabarmendu izan dute senide eta osasun arloko eragileek eta kartzela ez dela “leku egokia” gaineratu dute.(Iparraldeko Hitza)