Gardentasuna aglomerazioan
Aitzineko astean azaldu genuen nola Urruñako Herriko Etxean hautetsien saria bozkatua izan zen. Gehitu genuen erabakiaren irakurketa zaila zela eta bereziki haren interpretazioa eta ulermena ezinezkoa funtzio publikoa ezagutzen ez duenarentzat. Hots hautetsien saria ezagutzea ezinezkoa.
Aglomearzioan ea gauza bera gertatzen zen jakin nahi genuen eta sarien deliberazioa bilatu dugu, hau ez bada oraindik aglomerazioaren gunean zintzilikatua izan. Horrela ohartzen gara aglomerazioak ez duela arazorik erakusteko aglomerazioaren presidenteak zenbat irabaziko duen, alegia 4181 euro, eta presidente ordeek 1672 euro. Ulertuko dugu auzapezek beren herriko etexeko saria eta aglomerazioaren saria metatzen dutela.
Hori dena erran eta, gehituko dugu espero dugula hilabete sari horiek mereziko dituztela, alegia lan ona eginen dutela. Garrantzitsua ez baita asko edo gutxi irabaztea baizik eta ongi lan egitea eta gardentasuna errespetatzea. Izan ere, herritarrak helduak dira, eta ardurak zein diren badakite, haatik beren zergak nola xahutzen diren jakin behar dute.