Dabilen harrari goroldiorik ez
Joxemi zumalabe fundazioak ateratako militantziaz eta horizontaltasunari buruz hausnartzen duen liburuaren aurkezpena egongo da larunbatean azkaineko kilika gaztetxean.
Oharra: Zer gertatzen ari da aktibismo politikoarekin? zer aldatzen ari da, zerbait aldatzen ari bada? zer dugu hobetzeko? zer etorkizunean sahiesteko? zer dugu akuilu eta zer oztopo?
Proiektu hau holaxe hasi genuen, kezka horiek jasoz eta horretan gehitu genezakeen hondar aletxoa zein izan zitekeen gure buruei galdetuz. Azken finean, gaia mahai gainean jartzeak ezinbesteko lanketa dakar. Punta askoko izarra baitugu, dimentsio ugarikoa. Bide horretan Joxemi Zumalabe Fundazioaren barruan 2012.urtean lan talde espezifikoa sortu genuen militantzia ereduen lanketarako, eta tirriki tarraka oinez hasi ginen. Horretan ari ginela, barne horizontaltasuna lantzeko tresna ezberdinen lanketa egiteko beharra zein gonbitea agertu ziztaigun, eta horri erantzunez beste lan talde bati sorrera eman genion.
Bi taldeok hurbilekoak diren gaiak landuz egin dugu ibilbidea. Bakoitzak berea, propioa. 2013.urtean baina, gogoetok eta lanak elkar ukitzeaz harago, gurutzatu ere egiten zirela ohartuta, bi taldeon uztea batean bildu eta aurkezten ari gatzaizuen gogoeta hau batera eraikitzea erabaki genuen.
EHko hainbat eragile eta 200 bat banakorekin batera 2012.urtetik 2014.urte arte burutu den gogoeta prozesua izan da hau beraz.
Liburu - DVD berriaren aurkezpena, maiatzaren 24ean, goizeko 10etan Azkaineko Kilika gaztetxean