Irlandako Eliza katolikoa, beldurgarria!

Galway herrialdean, Tuam herrian haur eta ama aterpetxe batean berrogei urtez gertatutakoa plazaratu izan da. Irlandan hogeigarren mendean ezkondua izan gabe haurdun gelditzea pekatu mortal gisa ikusia zen. Gizonen ardura horretan inoiz begiratu gabe, babestuz. Ehunka emazte, oso gazteak, askotan gizartetik baztertuak, familiatik botatuak horrelako etxeetan aurkitzen zuten aterpea. Haatik bertan jasaten zuten tratua ikaragarri txarra izaten zen. Gaizkileak balire bezala.

Tuamko etxe horretan, "The Home" etxean,  zer gertatu zen ikerlari batek,Catherine Corlessek, aurkitu du, hilabeteetako ikerketaren ondotik. Alegia Elizak ez zekiela deus. Altan gobernuko ikusketa egon egon zen 1944an, eta egoeraz jabetu ziren agintarien artean, baina ez zuten deus egin. Emazte eta haurren zaintza ez zen lehentasuna izan.

1926 eta 1961 artean 796 ume hil dira eta haien gorpuak zilo ustel batean botatuak. Tratu txarrak, gosea...egoera  tristean hil ziren. Zehazki gaia lantzeko itaunketak behar lirateke. Baina aterpetxea bota zuten duela zonbait urte eta bertan etxeak eraiki.

Bertako biztanleek lur puxka bat zaintzen dute iduriz haurrak lurperatuak izan ziren ziloaren tokian. Beraz memoria, memoria bada. Aldiz Elizaren aldetik isiltasuna. Barkamen asko eskatzekoa ditu Elizak, bereziki emazte eta haurrekin egin duenarengatik, ez soilik Irlandan!