Greba eta mobilizapen eguna Lan kodigoaren alde

Gaur ere ehunka manifestari elkartu dira goizeko 11etan Baionan  frantses gobernuaren proiektuaren kontra. Izan ere, lan kodigoaren aldaketarako lege proiektua dela eta, joan den astetik mobilizapenak daude. Gaurkoa ez da hain jendetsua izan. Pixkanaka ikasleen presentzia nabarmentzen ari da eta nahiz eta gobernuak atzera pausa txikia eman duen mobilizatzeko deia errepikatzen dute CGT, LABek eta beste gazte mugimendu eta sindikatek. 31rako mobilizapen handia iragarria da baina mobilizatua gelditzeko eskaera azpimarratzen da gobernuari presio egiteko.

Datorren larunbatean Hendaian eta Baionan elkarretaratzea goizeko 10etan eta 11etan Donapaulen iragarriak dira.