Katalunia libre!

Transizioaz hitz egiten, idazten ikusi dugu, askotan . Kanpotik begiratuta, noski ebidentzia zen demokraziak bide luzea zuela errealitate izateko estatu espainolean. Ondorioz beti izan ditugu zalantzak Espainako demokrazia aipatzen zelarik. Gaurko eguna nabarmentzekoa da Monbar ostatuan GALek lau euskal herritar hil baitzituen, euskal independendentziarako militanteak izateagatik. 1985ko egun hori gogoan dugu oraindik, PSOE agintean zela, Espainian demokrazia zegoelarik dagoeneko,omen!. Behintzat horrela saltzen ziguten, politikari eta prentsa nagusiek. Pierre Joxe zen Barne ministro Frantzian, Aieten zegoen bera. Bai aspaldi genekien azaleko demokrazia zela Madrilgo gobernupean. Espainako herritarrek borroka bat daramate beren herria demokrazia aldera eramateko, justizia gehiago lortzeko. Haatik herritar gehienek Rajoy hautatzen dute, hauteskundez hauteskunde. Zaila da ulertzea baina, nazionalismoz hitz egiten asko entzuten delarik, gure irudiko Espainako nazionalismoa gora doa eta azken egunetan lotsarik gabe ere kalera ateratzen ikusi dugu.

Kataluniak, libre izateko, bere geroa erabakitzeko, bere hautuak egiteko independentzia behar du. Hau da Kataluniako karrikak aldarrikatzen duena. Oihu itzela, anitza. Ingurugiro hontan, azken urteetan herritarrek eramandako aldarrikepanaren antolaketa kontutan harturik, klase politikoak erakutsitako herritarrekiko zintzotasuna ikusirik edozeinentzat erreferenduma legitimitate osoz egin nahi den ekintza da. Hori ez bada errespetatzen,  Espainian transizioak azaleko demokratizazioa izan dela frogatzen da berriz ere. Armadak oraindik garrantzia handia badu eta batzuen artean podorea banatzen den altxorra da.

Aste hau hil ala bizikoa da Kataluniarentzat eta Kataluniako herritarren ondoan kokatzen gara indar harreman tinko honetan. Puigdemont atxilotzeko mehatxua egina dute dagoeneko. Aurrekariak dituzten Katalunian, Frankistek beren lehendakaria hil zuten, Lluís Companys, Gestapok frankisten eskutan 1940an utzi ondoren FRantziara errefuxiatzera joan zelarik. Beraz Historia asko dute Katalanek eta altura handiko politikariak.

Aste latza, historikoa, guri ere aitzinatzeko pistak emanen dizkigunak. Baina Espainak ez du jakin negoziatzen inoiz, berea indarrarena da, kasu honetan ere.. Kataluniak baduke plan B!

Hemendik ere gure elkartasuna igortzen dugu: " Visca Catalunya Lliure!"