Gaurdanik kontrol gehiago Biriatun
Ehun bat politikari buru joanen direnez Parisera klimaren inguruan hitz egitera, gobernuak mugen hestea erabaki du. Ondorioz mugaren inguruan bizi direnak traba berri batzuk jasan beharko dituzte eguneroko bizian. Zaila da ulertzea nola soilik buruzagien babesteko neurriak hartzen diren. Arazoak aspaldidanik dirau eta nahiko neurri hartuak dituzte dagoeneko. Horien artean egunero bideetan ikusten ditugun mugazainen kontrolak, edozein tokitan eta ordutan. Ez dakigu kontrol guzti horien emaitzak zein diren baina hor daude kontrolak.
Bestalde, atzo berean egin dituen adierazpenetan, Caseneuve Barne ministroak poliziei tiro egiteko erraztasun gehiago eman nahi die lege berri baten bitartez. Giza eskubideen aldeko elkarteak nahiko kezkatuak agertu dira