Gezurra agintean.

Ipar Euskal herriko egoera nahiko ona dela ematen du Sud Ouesten eta Baionako herriko etxeak komunikatzen dutenaren araueran. Gainera, eritu zirenak, adinekoak sendatu direla erran dute. Oso zaila da zenbaki zuzenak lortzea,  baina Baionako hospitala ez dela gainditua ematen du. Baionako peñek beren lokalak utzi dituzte sekulan espazio berriak behar balire jendearen kokatzeko. Berriak Nafarroa eta EAEko berriak eskaintzen dizkigute. Aberri Egunaren biharramunean berriz ere ohartu behar gara, arazo hain garrantzitsuari buruz, zenbaki soil baten lortzea ere zaila dela. Herri bat osatzeko oinarrizko informazioa biltzea beharrezkoa da eta ez gaude horretan oraindik! Hori informazio zabal eta askotan sakona, Berria gure tresna indartsuena delarik! Frantzia eta Espaina nagusi gure herrian oraindik!

Zer dakigu frantses estatuak egin duen pandemiaren kudeaketaz?

Hau da 1793ko kostituzioaren 21garren artikuluak adierazten duena: Article 21. - Les secours publics sont une dette sacrée. La société doit la subsistance aux citoyens malheureux, soit en leur procurant du travail, soit en assurant les moyens d'exister à ceux qui sont hors d'état de travailler.

Noski ez da gure erreferentzia nagusia izanen, garai horretan euskaldunok gure eskubideak galdu genituelako. Baina, estatu bat behar bada, zailtasunetan direnei laguntza eskaintzea da lehentasuna, hau garai haietan kontutan hartu bazuten, uste dugu ez dela gaur baztertzen ahal den eskubidea. Gaur egun erretretaren erreformarekin edo langabetuen eskubideak murriztearekin, gobernuak bere buruari uko egin dio. Iruzr egin dio bere herriari.

Musukoekin hasi.

Hastapenetik musukorik ez da. Lehen momentuan, gobernuaren bozeramaileak zioen musukorik ez zela beharrezkoa. Pixkanaka gezurtatua izan da, eta azkenik, Medikuntzako Akademiak musukoekin ateratzeko aholkua eman du. Baina, Philippe, lehen ministroak egin duen azken agerraldian, apirilaren lehen egunetan, OMSeko kide baten azalpena hartu du, hor erraten baitzen musukoa ez zela beharrezkoa. Beraz, tokiko Akademiaren gainetik pasatzen da eta nahasketa sortzen du, soilik haien musukoen lortzeko ezintasuna gordetzeko.

Bihardanik, Hego Euskal Herrian, musukoen banaketa hasiko da. Lanera joan behar duen orok eskuratzen ahalko du musuko bat, bere burua babesteko eta baita ere besteen babesteko. Hau, Ipar Euskal Herrira ez da iritsi. Noski, Ipar Euskal Herriko egoera ez da Hegoaldekoa. Dena den, musukoen falta frantses estatu osoaren egoera da, Covid-19 oso present den tokietan ere.

Frantzia ekialdeko egoera oso gogorra da. Ekialdea materialik gabe gelditu da. Dena, ahal den bezala egin behar da, elkarte batzuengana joan behar dira erizainak musukoen lortzeko. Erizain liberal bakoitzak, astean, 18 maska lortzeko eskubidea du farmazietan. Estatuak ez du erantzunik ematen. Erizainak bereizten dira familiarengandik, kutxadura ez zabaltzeko gisan, etxez etxe ibiltzen direlarik.

Urtarrilearen 24ean dagoeneko estatuak errekizizionatu zituen toki guztietan zeuden musukoak. Informazio desagertu egin da, baina jakina da armadarentzat eskuratu zirela musukoak. Bitartean, Macron antzerkira joaten zen,jendea lasaitzeko, gibeletik disponiblea zen materiala estokatzen zutelarik. Gezurrak zabaldu dira, egia beharrezkoa zelarik, herritarren prestatzeko. Denbora 49-3 erabakiarekin erretreten erreforma imposatu dute.

Uhain bat bertzearen gainetik.

Txinak urtarrilatik erakusten zuelarik egoera oso serioa zela, neurri zorrotzak hartzen zirela, otsaila osoa galdua izan da gobernuaren aldetik. Estatuak arduradunak dauka, arlo guztietan, egoerak aurrikusteko. Beraz, informazioa zegoen, baina lehentasunak beste nunbait jarri dituzte. Konfiantza hautsi da herritar eta erabitzaileen artean.

Agintariek hospital publikoa ez dute erabiltzen, dirua dute sistima pribatua erabiltzeko. Beraz, ez da gobernuko kideen kezka, oraindik ere, komunikazioak lehentasuna izaten jarraitzen du.

Hiru hilabete lehen heriotzaren berria zabaldu dela, hamahiru mila hil estatuan.

Hiltzen direnekin aginduak oso gogorrak izan dira. Ildakoen zainketa debekatu dituzte, Covid edo ez, horrela familiak eramanen duen irudia desberdina da, zainketa ez baita egiten. Lekukoen tanatopraktorreek ez dakite jendea zertaz hil diren, babesik gabe, maskarik ez daukate. Hil kutxa berehala hesteko  agindua dute. Azken agurren ematea ezinezkoa bihurtu da.

Konfinamentuarekin bukatu beharko da, baina kutxatuen afera ez da konpondua. Gainera udazkenarekin beste uhain bat helduko dela iragatzen dute. Orai arteko erabakiak jarraituz kezka areagotzen du.

Bestalde, Suediak ez konfinamentuaren erabakia hartu. Kutxatze kolektiboaren hautua egin du. Ondoko hilabeteek erakutsiko digu zein den politika hoberena.

Klase borroka

Hospitaletako langileen artean milaka dira kutsatuak izan direnak. Gehiengo handia da hospitaletan gaur egun Covid-19 dira. Langile horiek ez dute materialik babesteko. Hospitaleetako langileak arrisku handian daude zuzenean, denbora gehiena pasatzen dute Covid-19 duten eriekin, FFP2 musukorik ez dute. Hospitaletan!

Egoera zailetan daudenak hunkituagoak dira.

Kazetari batzuek begiratu dute ea zenbakiak onak ziren. INSEEk zenbakiak plazaratu ditu. Herrietatik INSEEk biltzen dituen zenbakietatik bildu ditu. Haut Rhin departamentua hartu dute adibidetzat, hau da atera dena, martxoko, hospitaletan soilik! Konparatu dute eta etxean zendu direnak ez dira zenbatu. Le Mediak erakusten du zenbakiekin gauza asko gordetzen direla. Biktima guztiak ez dira zenbatzen.

Seine Saint-Denisko departamentuan hildakoen zenbakia handiagoa da. Izan ere, langile asko bizi dira hor eta egunero lan egitera joaten dira, metroa hartuz. Kutxatzeko aukera handiagoa dute.

Gobernuak konfinamenduaren hautua egin du, errepresioarena ere. Auzo txiroetan, poliziaren jarrera oso bortitza da. Ez da Koronabirusarekin hasi baina areagotu du jarrera. Ez dira salbuespenak zoritxarrez. Komunikabideetan auzoetako gazteak estigmatzen dituzte ateratzen direlarik, auzo burgesen gazteak aldiz ateratzen direla eduzkia hartzeko. Ligue des Droits de l'Homme elkarteak dei egin dio gobernuari eta salaketa egiteko.

Paperik gabekoak dirurik gabe gelditu dira. Asko beltzean aritzen ziren eta konfinamentuarekin lanik eta dirurik gabe gelditu dira. Jatekorik ere ez dute. Portugalek egin duen bezala, estatuak paperik gabe dauden guztiak, urgentziako denbora osoan, osasun eskubide ezagutu behar lizkieke, seguritate sanitarioa segurtatzeko. Txaleko beltzek paperik gabe direnei laguntza ekartzen die.

Bukatzeko.

Ekonomia beheruntz joaten ari delarik indarrak egin beharko direla diote gobernutik. Ulertzen da gaur egun lanean ari direnei indar hori eskatuko zaiela. Hau ezinezkoa da! Konfinatuak diren guztien laguntzan ari direnei faktura pasatzea? Harrigarria! Klase borroka, kapitalak beti bere inderesak begiratzen!