Joan den gauean, karrikara ematen duen atea hautsi ondoren lapurrak, ebasleak Garra ostatura sartu dira eta kutxa eta kofrea hustu dute. Ez da zauritu inor ostatua hetsia baitzen. Haatik lapurketa ausarta ematen du gertatu delarik edozoin aitzinetik pasa zitekeelako eta gertakaria salatu, polizia ere erregularki pasatzen baita. Ez dakigu diru asko aurkitu eta ereman duten.

Hemen erdian dugu Michel Hiriart orai arteko presidentea, ezkerrean Peyuco Duhart orai aurkezten dena presidente izateko.

Azken eremua da. Beste eremu, aglomerazio, Herri Elkargo guztiek hautatu dituzte jada haien lehendakariak. Orai arte Hego Lapurdiko Aglomerazioak ez du urratsa eman. Arrats honetan gertatuko da. 

Orai arte lehendakaria edo presidentea Michel Iriart izan da, hau UMP alderdikoa. Euskalduna bera ez da onoiz lotsatu euskaraz aritzeko, ederki ari baita euskaraz. Herri Elkargoa sortu zenetik bera izan da presidente, Biriatuko auzapez izanik eta ardura horrentzat hautatua  hamabi herrien ordezkarien artean. Alegia UMPko alderdiaren indarra erakutsiz Elkargoan eta Biriatuko auzapez gisa agintari autoritario gisa ezaguna izanik. Horrela joan dira azken urteak. 

Gaur jadanik hautaketaren aldetik gauzak aldatu dira eta joan diren herrietako hauteskundeetatik ordezkari batzuk atera dira eta oposizioan diren hautetsi batzuek ordezkari izateko aukera dute zuzenean. Ondorioz orai arte oposizioko hautetsirik ez baziren gaur egun jada badaude. Ondoren gaur presidentea hautatuko da ordezkarien artean jakinez alderdi sozialistak eta abertzaleek oso ordezkari gutxi dituztela. Alderdi sozialistak auzapez bakarra du hamabiren artean eta abertzaleek batere.

Une honetan presidente posturako aurkezten den auzapez bakarra Peyuco Duhart Donobane Lohitzuneko auzapeza da. Pentsa daiteke Kotte Ezenarro aurkeztuko dela, prinzipioz baina ez du aukerarik ateratzeko. Abertzaleen artean ere baliteke norbait presentatzea baino ez da ezer izerditu gaiaz momentuko. Kargu oso inportantea da, ahalmen gehienak aglomeraziotik pasatzen baitira gaur egun, erabaki nagusiak. Peyuco Duhart ez da euskalduna. Lehendaki euskalduna egoetak ez badu oraindik erran nahi euskarari bultzada ematen zaiola, beti interesgarria izaten da euskararentzat arduradun euskaldunak egotea.

Urruñako herrian mota guztietako alderdiak daude, tendentzia guztietako elkarteak eta ikusmoldeak. Pertsonaia politiko mota berria ezagutzen ari gara Jean Tellechea hautetsiaren ibilbidearen bitartez. Ez genuen orai arte ezagutu Ipar Euskal Herriko debateko politikoetan, abertzaletasunaren inguruan ere ez. Haatik duela urte batzuk ezagutu genuen Daniel Poulourekin herriko hauteskundeetan aurkeztu zelarik. Daniel Poulouren emaitzak aski onak izan ez zirelako 2008an Odile de Coralek Jean Tellechea onartu zuen bere zerrendan beste hiru pertsonekin. EAJko militante baten ibilbidea ezagutzen hasiak ginen.

Odile de Coralen zerrendan ez zen lehenetan kokatua izan Jean Tellechea, baina sei urtez UMPko militantea den auzapezaren langilea izan zen. Ez zuen kezkarik erakutsi euskararentzat, ez baita euskalduna. Ez du erakutsi Herriko Etxean euskara lehentasuna denik. Horretan ez zuen laguntzarik auzapezaren aldetik. Haatik bigarren aldikotz presentatu da Odile de Coralen zerrendan eta aldi honetan ardura handiagoarekin garapen ekonomikoaz arduratuko baita.

Beraz arazorik ez UMPrekin lan egiteko, alderdi hau euskararen ofizialtasunaren aurka delarik eta euskal lurraldetasuna ukatzen duelarik. Oso jarrera idekia erakusten du Jean Tellecheak frantses alderdiarekiko alderdi abertzaleekiko baino. Haatik ikusi dugu EAJko Aberri Egunean Bilbon ikurrinaz inguraturik,Urruñako herriak urtero ukatzen duelarik Aberri Egunean ikurrinaren Herriko Etxean zintzilikatzea. Banderen problemetika ez dago soilik estatu espainolean agertzen. Ez omen da gauza bera. Hala izango da...Malgutasuna eta irekidura beti alde batera joaten delarik, gurdia urrunago eraman behar delarik, ausardia, konfrontazioa beharrezkoak direlarik ez dira urrats berak ematen.

Dena den EAJko Urtuzar jauna oso seguru agertu zen, Iparraldera etorri zelarik erratera Jean Tellechea Europarretan aurkeztuko dela EAJrentzat hemen, emaitzetaz oso seguru Ikusiko genuen.

Emaitzak nolakoak izanen diren jakitea zaila da, orai arte ez dira oso altuak izan. Horretaz hitz egiteko parada izanen dugu,

eta agian Jean Telechearen abertzaletasun fina eta bizia ezagutzeko aukera izanen dugu. Nork daki?

 Euskal Herriaren etorkizunari begira garai oso erabakiorrak bizitzen ari gara.  Gure etorkizuna jokoan dago eta euskal herritarrok momentuaren garrantziaz jabetu gara. Nolako etorkizuna, nolako gizartea, nolako Euskal Herria nahi dugun erabakitzeko garaiak datozela sumatzen dugu. Eskozia eta Kataluniara begira gaude, bere etorkizunaren eraikuntzan urrats sendoak egiten ari direlako, baina argi daukagu gure bidea geuk egin behar dugula. Helburuak finkatu, urratsak zehaztu eta geuk egin behar dugu geure ibilbidea.

Egin dugun gogoetaren haritik, Aurtengo Aberri Eguneko lema “Gehiengoaren nahia, INDEPENDENTZIA” izango da, argi ikusten dugulako independentzia dela euskal herritar guztiontzako alternatibarik onena, eta gehiengoaren nahiei benetan erantzuten diena.

Iruñean egingo da Aberri Eguna apirilaren 20an, eta egun osoko egitaraua izango da. Martxa eguerdiko 12etan hasiko da Golemetan eta Sarasate Pasealekuan amaituko da, eta ondoren, bertan izango da ekitaldi politikoa. Baina ospakizunak segida izango du egun osoan zehar: herri bazkaria Anaitasuna kiroldegian, eta INDEFESTA arratsalde eta gauen zehar Iruñeako Alde Zaharrean. Adin guztietako jendearentzat ikuskizunak eta jaia.

Aberri Egun guztiz zabala eta parte-hartzailea izatea nahi dugu: independentista guztiok aniztasunean elkarturik aldarrikapena eta jaia uztartzeko eguna. Independentista guztiei Iruñeara etortzeko deia egiten diegu, denok batera gure herriaren etorkizuna erabaki nahi dugula adierazteko; independentzia nahi eta behar dugula aldarrikatzeko; gehiengoa garela erakusteko.

1. Sarearen sorreratik herritarren auzolana eta ekarpenak izan dira mugimendu honen oinarria eta martxaren animazioan parte hartzeko aukera du mundu guztiak. Beraz trikitilari, txistulari, kantu talde, txaranga, batukada zein beste edozein musika taldek ditu ateak zabalik. Berdin dantzari, antzezle edo beste edozein ikuskizun motak. Parte hartzeko asmoa duen orok eman dezala horren berri, lehenbailehen, Sarean.

2. Egun osoko egitaraua aurrera eramateko bolondres askoren laguntza beharko dugu, beraz, laguntzeko prest dagoen oro Sarearekin kontaktuan jarri.

3. Aberri Egunerako deialdi-kartela berehala zabalduko dugu herri eta auzo guztietara, baina kartelak pegatzeko laguntza behar dugu. Prest dagoenak adierazi dezala bere izena eta zein tokitan kartel pegadan parte hartu nahi duen.

4. Aberri Egunerako herri bazkaria antolatu dugu Anaitasuna kiroldegian 15:00etan. Bazkarirako txartelak erosteko aukera izango da Aberri Egunaren aurreko astean 943561853 telefonora deituz edo www.independentistak.net webgunearen bitartez.

HARREMANETARAKO :  info@independentistak.net Tfnoa  943 561 853

Goiz honetan Donostiako kanpusean independentisten solasak entzun ditugu. Publiko anitzaren aurrean lau urteko lanaren bilana egin da,bidean joan zaizkigun lau bultzatzaileak agurtuz.Debate sakona,independentistak biderkatzekoq beharra azpimarratuz eta finantzaketa independientearen funtsa norabide estrategikoa markatzen joan dira.

Independentistak sareak aurten ere AberriEguna antolatuko du apirilaren20an Iruñan.Aurten ere erronka handia esku beharretan den sarearentzat.

Julian Assangen kontrako auzia Londresen iragaiten ari da une honetan, Londres hirian, akusatua bera ez delarik epaitegian. Presondegitik segituko dituela debateak baina ez da beti posible arrazoin desberdinengatik eta hemen aipatzen ahal ez ditugunak informazio zuzenik ez baitugu. Dakiguna da, familiak hala adierazten baitu, Julian Assange osasun egoera oso larria dela.Oroitarazi behar da Bretainia Handiko segurtasun presondegi nagusian atxikitzen dutela preso, alegia terrorista handienei eskaintzen zaien tratu gogorrenarekin. Horrek sortzen dituen ondorio guztiekin Assangen errua egia plazaratzea delarik.

Oso jende gutxik aipatzen eta segitzen du auzia. Frantzian bazterretako prentsak eta Euskal Herrian ez dugu ikusi pasatzen.

Wikileaksen lana lan itzela izan da eta Assange estraditatzen badute Estatu Batuetara bere geroa oso latza izanen da, soilik kazetari finaren lana egiteagatik.

Wikileaksen kontrako erasoa hasi denetik Assangek atake gogorra jasan ditu eta zikinena suediar neska bi jarri zuten kereila zeintan bortxaketa leporatzen zitzaion Assangeri. Geroztik auzi horrek ez zuela arrazoinik erakutsia izan da, dosier guztia plazaratua izan da eta agerian utzi bortxaketarik ez zela egon. Baina, urte guzti horietan behin eta berriz gaia itzultzen da, bazterketa moduan, Assangen lanari sinesgarritasuna kentzeko. Eduar Snowden Assangen lana goraipatzen du eta berak ere eraso bortitzak bizi izan dituelako badaki Assangen auzia egiaren kontrako auzia dela. Badaki kazetarien askatasunaren kontrako auzia dela.

FLNKS alderdiak, independentziarako azken erreferendumaren bezperan, datorren abenduan iragan behar zena, alerta gorria piztu du eta independentistak datorren erreferenduma prestatzeko bidea gelditzea eskatu die. Izan ere Frantziako presidentea hautatzeko kanpainak estaliko baitu erreferendumaren inguruko debatea. Hemen dago ateratako agiria.

Erabaki horrekin FLNKS koalizioak muga bat jartzen du lasterketa horretan. Frantziak bere denbora badu, bere agenda, Kaledonia Berrikoa ez dena.

Le Bureau Politique du FLNKS demande à ses groupes politiques représentés au sein des institutions de ne pas donner suite aux demandes visant à participer à une éventuelle consultation qui pourrait se dérouler le 12 décembre 2021.
Le Bureau politique du FLNKS demande au camp du OUI de s'inscrire dans la démarche de non-participation à la campagne électorale de la consultation dont la date serait maintenue au 12/12/2021
Le Bureau politique du FNLKS appelle à la non-participation de la consultation dont la date serait maintenue au 12/12/2021.

Baliteke Kortsikako emaitzek gobernuari  astintze zerbait eragin diola. Izan ere, hauteskunde biharamunan ministren kontseilua Paristik kanpora eraman dute. Dezentralizazio irudi hori Giscard presidnte zenetik zabaltzen dute baina badirudi komunikazio hutsean gelditzen dela. Diputatuek boza entzunarazi dute agintze eremua Pasisen gelditzen dela. Alta  tokiko hautetsi batzuek parte hartzen dute gobernuan, baina horrek ez du gezurtatzen erabaki guztiak Parisen hartzen direla.

Kanakia badoa,  Kortsikak galdera serios batzuk mahai gainean jartzen ditu, autonomia gehiago behar duela, hizkuntza babestu nahi duela, lurralde erreforma sakona eskatzen du. Oraintxe bozkatu dut Parisen lurralde erreforma bat baina honek ez du benetazko beharrei erantzun eta Kortsikak hori bera itzuli dio aurpegira frantses gobernuari. Hauteskundeen legitimitatea ezingo du ukatu Parisek. Drnbora izanen da seguruenik erabiliko duen lehen tresna. Bigarrena, garapen ekonomirako dirua aterako du, hau baita hauteskunde hauetan kortsikarrek nahi zutena. Gainerateko nortasun aldarrikapenei begira beste bideak eskainiko dituzke. Irudia eman hasteko, aste honetan bezala.

Tokiko instituzioen aurrekontuan murriztu bhar direla dio Filipek, lurraldeen gastuak txikitu behar direla baina hautetsiek ez dute horrela ikusten eta hirien eta kanpainaren arteko desoreka salatzen ari dira. Negu gorria dabil Macronentzat. Baina komunikazioan azkarra da!!

Bayrouren herrira hurbildu da Macron Afrikako politika zorrozteko Sahelgo bost presidentekin.

Macronen seguritatea antolatzeko  24 CRS konpainia ekarri dituzte, alegia 2160 polizia, gehi Pabeko bertako poliziak, gehi Eliseoko seguritate indar gehienak, behintzat Macron segitzen dituztenak.

Herriko hauteskunde bezperan, horrelako indar erakustaldiak bazukeen Pabeko herritarren artean eragin zerbait. Ona ala txarra ikusiko dugu Bayrou berriz ere aurkezten bada. Kazo edo putxero batzuk baditu zintzilik Baurouk, frantses justiziak inkulpatu duenetik kargu politikoa alderdiaren alde erabiltzeagatik.

Salbuespen egoera luzatzeraen aurka bozkatu zuten diputatuak Solferino kalean dagoen alderdi sozialistaren etxera deituak izan dira. Beren bozka esplikatzera deitu dituzte.

Pouria Amirshahi, Gérard Sebaoun eta Barbara Romagnan, hauek baitira kontra bozkatu duten sozialistak esplikatu beharko dute zer ulertu behar den askatasun publikoak defenditu nahi izan dituztela erraten dutelarik.

Haiekin batera hiru diputatu ekologistek kontra bozkatu zuten ere.

Komunikazioa alderdi sozialistak dio ez dela zigorrik aurrikusten.

Estatu frantseseko polizia eta Estatu espainiarreko Informazio Komisaldegi orokorrak, Donapaulen Sabin Mendizabal atxilotu dute. 2009. urtetik ihesean zegoen, "kale borroka" ekintzekin erlazionatzen dutelako.

Estatu espainiarreko Entzutegi Nazionalak Europa mailako atxiloketa eta entregatze agindu bat zuzendu zion, "terrorismoa" leporatuta. 

Lekunberrin hasi, Irurtzun eta Berriozarren geldialdiak egin, eta Aberri Egunean amaituko da Aitzinak eta Ernaik antolatu duten Gazte Martxa. “Euskal Herriko txoko guztietako gazteok batuko gara, herria mugarri dugula, gure oraina pausoz pauso eta ezker norantzan gaurdanik eraikitzeko. Gure erabaki propioak hartu eta gure nahiak egi bihurtutzeko”, adierazi dute Lekunberrin egindako aurkezpenean. Apirilaren 3, 4 eta 5ean izango da.

info+ http://www.gazteokmartxan.info/

Naparrak Ipar Euskal Herrian pasa zituen bere azken urteak. Mutil kementsuak Euskal Herriaren alde jarri zituen amets guztiak. 1980an desagertu zen.Urte luze hauetan ez da Naparraren aztarnarik atxeman nahiz eta bilaketa zorrotzak eraman. Polizia frantsesak bere aldetik ez du inoiz indar berezirik egin. BVEek hartu zuen bere gain bahiketa baina gorputza ez da atxeman oraindik.

Aldi honetan Bazio Batuetako bulegoek hartu dute beren gain inkestaren jarraipena.

Euskaldunen egunkaria zen. Urteetako lanaren emaitza, euskara hutsez, euskaldunen beharrei erantzuteko. Lan militantea eta herritarren sosarekin sortua. Hau izan zen . Bat batean Madridek dena kriminalizatzea erabaki zuen. Torturak, ezpetxeratzeak, Urruñar bat ere atxilotu zuten lanera joaten zelarik, muga pasa eta berehala. Ez dugu deus ahanzten.

Bat batean haien justiziak erabaki du ez zela hutsik izan. 

"128 kartzela urte eta 221 milioi euroko eskaera bizkar gainean. Langileak kalean, Egunkaria itxita, atxiloketak, torturak, preso egindako denbora, askatasunaren truke baldintzatutako bizimoduak... «Asko galdu dugu bidean. Urteak, sasoia, askatasuna, lana, Egunkaria-k inoiz izan duen talderik onena bere garairik onenean... Kalteak handiak izan dira, eta prozeduren kostuak ere bai». Atzera begiratu dute auzipetuek, Iñaki Uriaren ahotan, gurutzebide bihurtutako auziaren errepasoa eginez. Atzean, kalte «zenbatezinez» gain, dozenaka lagun ere badituzte, babesa emanez. Horretarako izan da ekitaldia, pasatutakoak gogoratu eta eskerrak emateko. Hasierako mezua, ordea, ez da aldatu: «Egunkaria kasuak ez zuen inoiz gertatu behar. Egunkariaez zuten itxi behar».

Beste euskarazko egunkaria sortu behar izan zen. Gure eskura heldu da egunero. Baina Guardia Zibilak eramandako operazioaren ondotik eragindako mina hor dago. Barkamenik eskatuko al dute?

Atzo, 2014ko ekainaren 3an, Hendaitz gazte asanblada, herriko etxekoekin bildu zen. Bilkuratik ez zen gauza handirik atera, espero zutena erran zieten, hala nola Hendaian ez dagoela lokalik haientzat. Orokorrean hori izan da jaso duten mezua. 

Hori horrela izan edo ez izan, hauen ekimenekin segitzeko asmoa dute, eta beraz larunbat honetan, ekainak 7, goizeko 10tatik aurrera, herriko etxe aitzinean biltzeko deia luzatzen dizuegu, Hezikidetza parekideari buruzko tailer, joko eta abarrean parte hartzeko.  

• Zeri buruz hitz eginen da?  Zer da hezikidetza?  

Bere banakotasun, berezitasunaren arabera, izaera ezberdinak onartuz, generotik at egiten den pertsonen hezkuntza litzateke. Irizpide sexistek barnebiltzen dituzten, gizon eta emazteei egokituak diren rol, balore, portaerak e.a. transmititu gabe heztea da. Kontzientea den prozesu hezitzailea da eta neska eta mutikoen arteko aukera berdintasunean oinarritzen da. Pertsonen garapen integrala lortu nahi du. 

Beraz, erakusten segituko dute Hendaiako herriko etxeari animatuta direla haien nahiak aurrera eramateko eta borrokatzen segituko dugula zerbait lortu arte.

 Adi egon datozen mobilizazioei eta larunbat arte!

Uztailaren 3an, Urruñako Berttoli elkartean gazte asanbladak eta euskal herrian euskarazek afari mexikarra antolatu dute. Atsaldeko 7tan arotzeniatik hasiko da poteo alaituarekin ta ondotik 8:30tan afari mexikarrari ekinen zaio. afaria bertan egongo direnen artean sukaldatua izanen da. Gogoratu, bazkari erreserbatzeko, deitu 0604010853 zenbakira.

Joan den hilabetean Fleuryko preso diren emazteek borroka bat abiatu zuten bizibaldintzen hobetzeko. Egoera larria zen. Gutun bat igorri zuten. Hemen horren plazaratzea ineteresgarria iruditu zaigu. Frantses estatuak preso atxikitzen ditu eta gainera baldintza txarretan. Sozialistek, hemengoek ere ardurak eskatu behar dituzte Parisen eta egoera aldatu.Presoak hurbildu.

Kaixo,

Gutun honen bidez, Fleury-Mérogiseko espetxean bahituta gauzkaten kideok bizi dugun egoeraren berri eman eta azken hilabeteetan jazotako gertaerak azaldu asmoz zuzentzen gatzaizkizue.

MAFean (emakumezkoen espetxean) 6 preso politiko gaude momentu honetan. Gainontzeko militanteek bezalaxe urte asko igarotzen ditugu espetxe prebentiboetan; azken hauek espetxe zigor murritza dutenentzat edota epaitu gabeentzat izaten dira. Geure kasuan ordea, instrukzio epea 4 urteraino luzatzen digute, ondoren epaitu arteko epea eta epaiketa ondoren zigorra betetzeko espetxeetara eraman arteko denbora tarte luzea gehitu behar zaie. Denbora guzti honetan egunerokoan gure eskubideak gorde, oinarrizko bizi baldintza duinak bermatu eta batez ere, gure Kolektibo politikoa errespetatua izan dadin borrokatzen dugu.

Euskal Preso Politikoen Kolektiboa 530 kidek osatzen dugu, 81 espetxeetan eta 5 herrialde desberdinetan sakabanatuta gauzkatelarik: Gutariko 400 lagun espainiar estatuko 50 espetxeetan daude, eta beste 125 kide frantziako 28 espetxeetan. Bataz beste, gure etxetik 844 kilometrora.

80. hamarkadan abian ipini zuten sakabanaketa politikaren helburuak askotarikoak dira, hala nola presook sorterritik urruntzea, herritik datorkigun elkartasuna eragoztea, Kolektiboaren izatea ukatzea, gure senideen sufrimendua areagotzea astero gu ikusi ahal izateko milaka kilometro egitera behartuz. Sakabanaketa politika indarrean denetik 16 senide hil eta ehunka zauritu dira errepideetan. Honi, kostu ekonomiko neurrigabea erantsi behar zaio (bataz beste 1500€ hilero, familia bakoitzeko)

Estatu espainiar eta frantziarraren helburua gu mindu eta ahultzea da, eta bide horretan estrategia basati bezain gordina darabilte: Isolamendua, zigor luzapenak, zigorra amaitzear dutenen eta gaixo larrien askatasuna ukatzea, baldintzapeko askatasuna lortzeko xantaiak, isekak, erasoak…

Barne-araudiari dagokionez, espetxean pairatzen ditugun baldintza mespretxagarriei, zehazki gure ezartzen zaizkigun neurri errepresibo zehatzak gehitu behar zaizkie. Gau eta egun kontrolpean bizi gara eta gure mugimendu guztiak kaier batean apuntatzen dituzte; norekin gabiltzan, zer egiten dugun, patioan norekin hitz egiten dugun…Dibisioak batzen diren biribilgunean, koaderno horrez gain euskaldun guztien argazkiak dauzkate. Honez gain, urteak daramazkigu gauetan bi orduro kontrolak pairatzen. Kontrol bakoitzean argia piztu eta begitxuloa klikatzen digute. Kasu batzuetan atea kolpatzen dute loa izorratzeko. Ikustaldietara eta patiora joateko ukimen bidezko kontrolak eta segurtasun arkuak pasa behar ditugu derrigorrez. Bestelako mugimendu batzuk egiterako orduan ere saiatu izan dira ukimen bidezko kontrolak egiten baina ukatu egiten ditugu. Honez gain, ikustaldietatik bueltan biluztera behartzen gaituzte, baita irteera bakoitzean (ospitalera, epaitegira…) edo ziega miaketetan ere. Hamaika aldiz salatu diren derrigorrezko biluzte hauek zeharo iraingarriak dira preso gaudenontzat, areago modu sistematikoan aplikatuz gero. Bestalde, kiroldegi eta aktibitaterako sarbidea mugatua dugu eta ikasketa alorrean ere Unibertsitateak eskaintzen dituen kurtsoak gauzatzeko oztopo ugari izaten dugu.

Halaber, urteak daramatzagu MAFeko arduradunei gure errealitatea zein den azaldu nahian. Horretarako eskura ditugun baliabide desberdinak erabiliz, patioan kartelak jarriz, esku-orriak banatuz, jaki errefusarekin, salaketa edo protesta ekintzekin, elkartasun egunak eginez, erasoei ekintzekin erantzunez…

Horrela, espetxeak inposatzen dizkigun gehiegizko neurriak salatzeko jarrera intsumitua adierazten dugu. Gure bozeramailearen bidez, eguneroko arazoak konpontzeko, espetxearekiko etengabeko interlokuzioa mantentzen saiatzen gara, posible den heinean behintzat.

Duela bost bat hilabetetik hona, zuzendaritza berria dago MAFean. Zuzendari berria (Mme. PERROT), atxiloketa arduradun berria (M. NKOUKA), giltzari-arduradun berriak…Aldaketa honek barne-politika eta funtzionamenduan eragin nabarmena izan du, finean gure bizi baldintzek argiki okerrera egin dutelarik. Aspaldidanik indarrean genituen hainbat akordio urratu dizkigute, eta urteetako borrokaz eskuratutako minimo asko zalantzan daude. Zuzendaritza berri honek urteetako akordioei bizkar ematearekin batera, elkarrizketarako jarrera itxia agertu digu, MAFeko Kolektiboarenganako errepresio jarrera azalduz.

Zuzendaritza aldaketa hau baliatuz giltzari talde batek gurekiko presioa areagotu du, euren aldarrikapenei bide emateko: Segurtasun eta kontrol neurri gehiago, alegia. Ohikoak bihurtu dira euskaldunen aurkako diskurtsoak, ‘pribilegiatuak’ omen gara, aginduei uko egiten diegula, espetxe barne araudia ez dugula errespetatzen, arau-hausteengatik zigorrik ez dugula jasotzen…‘Abantaila’ horien baitan dira, espetxean presoak identifikatzeko erabiltzen den dokumentua (karta urdina) egunerokoan ez erabiltzea, ziegetan onartua dugun arropa kupoaz gaindiko arropak izatea, espetxe barruko mugimenduak isilpean egiteari uko egitea…Zuzendaritzaren hitzetan zerrenda oso luzea da, baina aitzitik ez dizkigu zerrenda horren zehaztasunak eman nahi izan. Badirudi gu garela MAFeko arazoen iturri nagusia eta ziegan kupoaz harago 2 niki izateak ‘eraikin honen segurtasuna larriki aztoratzen duela’ (?)

Hemen jasan beharreko bizi baldintza krudelak ez dira eurentzat arazo. Gutxi batzuen artean aipatu genitzake: lizunez betetako dutxen garbitasun eza; patioan eseri nahi izanez gero zikinkeriaz jositako lurrean jesarri beharra; eguneroko jaki errepikakorrak, hotzak eta kantitate eskasekoak, lurretik bi zentimetrora darabilten karroetan narras zerbitzatuak; aukera urriko erosketa mugatuak, hozkailurik eza; oinarrizko beharrak asetzeko egokitutako produktu sorta eta arropentzako garbitegi zerbitzua kendu izana; gauetan esnatzen gaituzten eta pasilloetatik oihukatzen gaituzten giltzari batzuen errespetu falta; formaziorako aukera eza; egunero sufritzen dugun presio itogarria: Ukimenezko kontrolak, miaketak…dutxara goazenean miatzen gaituzte! Arazoa gure ‘pribilegioak’ omen! Zein pribilegioz ari dira? Makurtuta ez bizitzearen pribilegioaz akaso? Ba jakin dezatela ez dugula etsiko!

Tentsio mailaren areagotzea eta errepresio giroa dira guzti honen emaitza. Orain gertaera edo arau-hauste txikiena diziplina komisio baterako aitzakia da. Azaldu moduan, egun giltzari batekin izandako tirabira eta desadostasuna inzidente informe baterako aitzakia da. Eta informe hau espetxe arduradunarengana iristean zuzenean diziplina komisiorako arrazoi. Prozedura bera ere errespetatzeari utzi diote, gertatutakoaren inguruko gure azalpenei muzin eginez.

Hau da espetxeko zuzendariak abian jarri duen sorgin gurpil errepresiboa. Eta ez hau bakarrik, aurrera begira neurri errepresibo berriak aplikatzeko asmoa duela aurreratu baitu. Ez omen du euskal presoen kolektiboa errekonozitzen, ez omen dago elkarrizketa edota akordioetarako aukerarik. Aurreratzean arazoak konpontzeko bide bakarra barne araudiaren zorroztea izango omen da.

Zigor-eraso bakoitzari erantzuten hasi baginen ere, horrela jarraitu ezkero bide errepresibo honek bukaerarik ezingo ez duela ikusirik, egoera bere osotasunean hartu eta erantzutea erabaki dugu. Abian jarriko dugun borrokaldiak guganako duten jarrera aldatu eta baretuko duela espero dugu.

Alta, gure kezka eta kexua zuekin konpartitu nahi izan ditugu. Aurrerantzean ere egingo dugun ekimen eta irakurketa oro bideratzen saiatuko garen konpromisoarekin agurtzen gara.

Borrokaz eusten diogun presook besarkada bero bat bidaltzen dizuegu.

MAFeko euskal preso politikoak

Fleury 2014ko martxoaren 28an

Hondarribiko gazteek jada badute haiendako lekua. Hondarribi sarreran, Puntaleko eskolako gela bat haien eskutan da. Igande honetan atsaldeko 6tan bertara hurbitzeko deia egiten dute lekua ezagutzeko.

Giltzak eskutan, bertako gazteek nahi nolako proiektuak aurrera ateratzeko bidean urrats garrantzitsu bat eman dute.

Zorionak Hondarribiko gazte asanbladari eta animo erronka berriekin!!

2008an atxilotuak, lau ziren, Ainhoa Ozaeta, Igor Suberviola, Jon Salaberria eta haiekin, F.Javier Lopez Peña zegoen. Hau frantses kartzelen ardurapean zegoelarik hil zen. Sei urte joan dira eta auziaren bosgarren aste honetan, bederatzi oreneko mintzaldiaren ondotik zigor eskaerak heldu dira. Eskaera horietan konfusio partziala eskatua izan da, ondorioz aitzinetik presoek zituzten zigorra ez lirateke urtuko metatuko baizik. Horrela eskaera, 15, 18 eta 27 urtekoa dira.

Azpimarratzekoa da prokuradoreak ez diola ETAren desarmeari sinesgarritasunik eman nahi. 

Prentsak ETAren jardunaldian hildako guztiak aipatzen dituela erran behar da, hildako guztiak auziari lotuz. Alegia hiru militanteek bere gain hartu behar lituzketeela denak zigorraren bitartez.

Bihar defentsaren argumentazioa.

New York Times egunkariak Espainako erregearen ebaluazio bat plazaratu du : 1 790 000 000 euro

Ez da hau fortuna txikia. Erraten zuten ez zuela inork lortu ebaluaketa bat egiten. Ematen du estatu betuarrek informazio iturri bereziak dituztela. Ez dugu gaitasunik horren frogatzeko. Menturatzen gara berria hedatzera.

Gaur, Oiartzunen, 6:45 eta 7:15 artean Guardia Civilak lau lagun atxilotu ditu, aritxulegin ETAko militanteak gurtzeko leku bat sortzea leporatuta. Españako barne ministroaren arabera, Arkaitz Bellon eta Xabier Lopez Peña omentzea ere leporatzen diete.

Bestalde, gudarien oihaneko piketeak eraman ditu guardia civilak beraiekin eta beste bost lagun zitatu ditu Intxaurrondoko kuartelera.

Elgarretaratzeak deituak dira Donostiako Intxaurrondo auzoko txara eraikinean (sagastieder plaza) atsaldeko 4tan eta Oiartzunen atsaldeko ordu batetan eta atsaldeko zortzitan herriko plazan.

Utzi Euskal Herria bakean!

Etxerat herritarren elkartasunez bizi da bereziki. Bakar batzutan diru publikoa jasotzen du. Hau da Espainako ordezkariak jasaten ez duena. Ondorioz, auzitara eramaten du Etxerat elkarteaEtxerat-ek zehaztu du "bakea, elkarbizitza eta giza eskubideen alde egiten duen elkartea" dela, eta preso eta senideek pairatzen dituzten giza eskubideen urraketak salatzen dituela. Urkijoren erabakia "Etxerat-ek azkenaldian pairatzen dituen kriminalizazio ahaleginen testuinguruan" kokatzen du elkarteak.

"Surrealista da Urkijo bezalako bakearen arerio batek, euskal herritarrek inoiz aukeratu ez duten kargu batek, gure elkartea eta gure elkarteak giza eskubideen alde egiten duen lana iraintzea". Elkarteak gaineratu du, bien bitartean, "ehundaka" direla espetxera bidean bizitza jokoan jartzen ari diren euskal herritarrak.

JDD argazkia.

Asteartean Frantziako legebiltzarrean Valls-en austeritate plangintza bozkatu beharko dute diputatuek. Jadanik ehun bat diputatu, alderdi sozialistatik kexa agertu dituzte, eta gaur berean Vallsek berrogei bat errezibituko ditu, haiekin hitz egiteko eta plangintza aurkezteko. Ez da errana, protestak ikusi eta, bere programa bozkatua izanen denik. Sozialista guztiak behar ditu, berdeak libro baitira orai, ez dira gehiago gobernuan. Bestalde komunistek ez dute alde bozkatuko.

Diputatu sozialistak beldur dira aulkien galtzea, 2017 arte iraunen duen plangintza lege biltzarreko hauteskundeetan arriskutan jarriko baititu. Argi baita dagoeneko nork ordainduko dituen 50 milia miloioiko aurrezkiak.Herritarrek. Horregatik dagoeneko prentsak iragartzen ditu neurri batzuk familien laguntzeko. Besterik ez da erraten, giroaren lasaitzeko, baina Vallsek lan handia izanen du herritarren konbentzitzeko eta diputatu sozialistek protesta ozenagoa eta eraginkorragoa erakusti beharko dute sinesgarriak izateko.Ondoko hauteskundeak ez badituzte ere galdu nahi!

Bihar baino lehen egin ahalak eginen ditu Vallsek bozka kopuru egokiaren lortzeko. Politikariek, poderean daudelarik, oñoñak banatzen ikasiak dira...