Presoen sakabanaketa "giza drama" eta "aberrazio juridikoa" dela eta helburu politikoa duela nabarmendu dute Adolfo Muñozek eta Ainhoa Etxaidek.

ELAko idazkari nagusi Adolfo Muñoz Txiki-k eta LABeko Ainhoa Etxaidek dei egin diete bi sindikatuetako militanteei eta oro har euskal gizarteari datorren larunbatean Sare plataformak antolatutako mobilizaziora joan daitezen. BERRIAn argitaratu dute Larunbatean, Bilbora iritzi artikulua.

ELAk eta LABek uste dute "ordua" dela 2000ean PPk eta PSOEk sinatutako Paktu Antiterrorista indargabetzeko: "Espainiako instituzio nagusiak diziplinatu dituen akordioa da, botereetatik —legegilea, betearazlea eta judiziala— hasi, eta komunikabide gehienetaraino, eliza katolikoaren hierarkiatik pasatuz, Estatuko bi sindikatu nagusietaraino". Ordua da, halaber, "Espainiako eta Frantziako gobernuek euskal preso politikoei ezartzen dieten espetxe politika aldatzeko", adierazi dute.

Euskal presoen eskubideen defentsan "mobilizazio sozial demokratikoa" ezinbestekotzat jo dute: "Oraindik aldarri hori bere egin ez dutenen kontzientzia politikoa irabazten joateko beste modu bat da".

Peruk epaiketaren bukaeran hitza hartu duelarik euskal borrokaren azaltzeko, epaileak hitza moztu dio, ez du utzi bukatzen. Hau da frantses justizia. Prentsak egiten dituen komentarioetan akusazioa nahiko ahul agertzen zen, ondorio asko atera dituzte elementuetatik tiratuz, frogarik izan gabe. Zuzenbidea lerratzen delarik, denborarekin herritar guztientzat lerratzen da. Hau da gertatzen ari dena frantses gizartean, pixkanaka eskubide murrizketara, frogarik gabeko kondenak ematera.

Ibai Peña Gasteizko presoa aske utzi dute goizean, Etxerat-ek jakinarazi duenez. Teruelgo espetxean zegoen. Militante politikoak gertutik ezagutu zuen Ipar Euskal Herria. Bertan bizi eta lan egin zuen bertako gazteekin batera. Frantses gobernuak kanporatu egin zuen eta Espainara igorri.

Euroagindu bat tarteko, 2010ean atxilotu zuen Polizia frantsesak.

Prozesu luze baten ondoren –zenbait alditan sufritutako jazarpena salatu zuen, bizitza publikoa eign baitzuen bitartean– eta Justizia frantsesak euroaginduari ezezkoa hainbat aldiz eman ondoren, 2012ko maiatzeanEspainiaratu zuten Peña, «sute terrorista» eta lehergailuak edukitzea leporatuta.

Geroztik preso egon da. Ongi etorri!

Gertatu da. Herrira itzultzen zen iheslaria atxilotu du poliziak. Ez dakigu zer gertatuko den, baina 30 urte eta gero eskuinak ez du deus pasatzen uzten, eskuinaren ustelkeria guztia euskaldunekin estaltzen saiatzen ari dira oraindik. Erronka zen, iheslarien kolektiboa hartzen zuen erronka zen herrira itzultzea, atxilotua izateko arriskua. Zer erranen du Barne sailak, Justizia sailak?

Ongi etorri! 27 urte askotan bakarturik, Josepa nafarrak bere etxea aurkituko du, bere zain egon dira asko, gure bihotzean agon da eta orai ongi etorria prestatuko da, ederra, merezi baitu; Euskal Herriaren alde egindako lanarengatik eta jasan behar izan duen zigorrarengatik. Maite zaitugu Joxepa. Besarkada tinkoa!

Euskal Herriko gazteen lan emigrazioa aztertzean, Ipar eta Hego Euskal Herriko errealitateak desberdindu ditu Eguzki Urteagak. Bere esanetan, Hego Euskal Herrian gertatzen ari den gazteen emigrazioa koiunturala da, 2008an hasi zen krisi ekonomikoari lotuta dagoelako neurri handi batean. «Hazkunde ekonomikoa apalagoa ala negatiboa den neurrian, enplegu gutxiago sortzen eta lanpostu gehiago desegiten da, langabezia igoaraziz. Gazteak bereziki ukituak dira lan-esperientzia txikiagoa daukatelako. Testuinguru horretan, atzerrira doazen gazteak formatuenak dira, eta horrek galera kualitatibo nabarmena suposatzen du gizartearentzat».

Aldiz, EHUko irakaslearen ustetan, Ipar Euskal Herriko egoera larriagoa da, bertako gazteen emigrazioa ez delako bukatuko krisi ekonomikoarekin, arazoa oinarrizko gabezia estrukturalek sortzen baitute. «Ipar Euskal Herrian emigrazioa estrukturala da, hemen krisi ekonomikoaren eragina ez da hain nabarmena. Hain zuzen ere, instituzio eta unibertsitate propiorik ez edukitzearen ondorioz, bertan dauden enpleguak ez dute, nahi eta nahi ez, ikasketa-maila altua eskatzen. Horren ondorioz, gazteek kanpora joan behar dute ikastera eta, behin titulu akademikoa lortuta, aukera gutxi dauzkate Ipar Euskal Herrira itzultzeko, bertan eskaintzen diren enpleguak ez datozelako bat beraien ikasketa mailarekin», dio Urteagak. Datuen arabera, urtero 8.000 ikasle inguru joaten dira Paue, Tolosa edo Parisera goi mailako ikasketak egitera eta asko ez dira itzultzen, Urteagak esan bezala, Ipar Euskal Herrian ez dutelako ikasitakoaren araberako lanposturik aurkitzen.

Egurra ematera atera zen Hertzantza. Hertzainak horretarako ikasiak dira. Merkatuan, astehelen batez, ezin sinetsia da hain sensibilitate gutxi izatea Gernika herrian. Astekehen batez merkatu egunez bonbardatu zuten Gernika faxistek. Horretaz hain memoria gutxi egitea ezin sinetsia da, hemendik ere! Edo hain xuxen gogoen markatzera joan ziren bortizkeria horrekin. EAJk Madrilekin bat egitera abian baita, burujabetzaz nahi ez duelako. EHBilduk gogoeta eraman nahi luke EAJrekin burujabetzaren bidearen hartzeko, norabidea finkatzeko eta urratsak emateko. Ematen du EAJk ezetz borobil bat erran nahi izan duela, ez bakarrik Jone Esapainako epaileen esku emanez baizik eta Gernika herrian enfrentamendua eszenifikatuz. Gogoetatzeko gertakaria da atzokoa, abertzaletasunaren errealitatearen gogoetatzeko gertakaria. Hau ez da kasualitatea, merkatu egunean plazan Joneren laguntzaileak soilik ez zirela egongo argi da, besterik egonen zela plazan argi zen politikarientzat, 94 urteko andereari gertatu zaiona ez da nahi gabekoa. Nor da arduraduna? Momentuko Barne sailburuak babesa osoa eman dio bere poliziari. Ezin sinetsia, hau al da gure geroa? Behintzat gure oraina bai! Ez dugu horrelakorik errepikatzea nahi. Polizia herritarren babeserako behar da , ez erasorako!

Kortsikako parlamentuak kolektibitate bakarraren alde bozkatu du. Bi departamendutatik kolektibitate bakarrara pasatzeko erabakia hartua izan da. Parlamentuaren lehendakariak, Front de Gaucheko kidea horren kontra bozkatu du baina 42 bozekin zortziren kontra aldeko botoak irabazi du. Aldaketa handia eta konpetentziaren bila joateko urrats garrantzitsua egina izan da joan de ostiralean. Lurralde erreformak puntu nagusia ekarri du Kortsikako debatean.

Gertatzen ari da. Martxan da trantsizioa, aldaketa garaia baita; norabide argirik ez du, ordea. Baina helburu handinahiak agertu dira bide horren oinarriez eztabaidatu dutenen ahotan: trantsizioa bainoago, iraultza feminista. Areago: estatu feminista. Mugimenduaren barnean berriki mahai gainean jarritako egitasmo horren bueltan gorpuztu zen atzo Ondarroan (Bizkaia) Bilgune Feministak antolatutako Emakume Abertzaleen Topaketa Feministetako eztabaida nagusia. Eta bidea jorratzean ezinbestekotzat jo zuten elkartzea: esparru desberdinetan diharduten feministen arteko aliantzak jostea. Proposamena ere egin zuten antolatzaileek: gune bat sortzea, trantsizioa, iraultza, estatua pentsatzeko eta nola eraiki adosteko. «Aliantza puntualez harago, indarrak metatu behar ditugu, eta epe luzerako adostasunak lortu. Espazio egonkorrak behar ditugu», galdegin zuen Saioa Iraola Bilgune Feministako kideak.

Gune horri izen-abizenak jarri zizkion Jule Goikoetxea EHUko Zientzia Politikoetako irakasleak: Feministen Estatu Kontseilua. «Erresistentziatik kontraerasora pasatu behar dugu, boterea hartzera eta autoritatea lortzera. Bestela, gure ordez pentsatzen jarraituko dute». Ahotan izan zituen kontzeptu horiek birpentsatzeko beharra nabarmendu zuen, estatuaren ideia feminismotik definitzekoa. Adibidez: «Egun demokraziaren kontzeptuak berekin dakar ongizatea; guk eragin behar dugu demokraziak berekin ekartzea feminismoa: demokrata bat ezinbestean feminista izatea». Bat etorri zen Josebe Iturriotz Medeak-eko kidea: «Goazen gure terminoekin besteak deseroso sentiaraztera».

Baina zer da estatu feminista? Nora darama trantsizio feministak? Joxan Artzeren Martxa baterako lehen notakkantatik abiatu zen Idurre Eskisabel kazetari eta antropologoa: «Inor ez inor menpekorik; norbere buruaren jabe. Pertsona burujabeez osatutako eta baliabideen banaketa justuaz eraikitako gizartea litzateke». Aniztasuna gehitu zion Ana Murcia Garaipeneko kideak: «Ezin da abangoardia bakar, homogeneo, zuri eta erdiko klase batetik hitz egin. Trantsizio hori transfeminista eta multikulturala imajinatzen dugu». Zapalkuntzen zerrendara beste bat gaineratu zuen Eskisabelek: «Euskalgintzaren eta feminismoaren arteko aliantza behar dugu: zapalkuntza naturalizatuak dira biak, eta antzekoa da kontzientzia hartzeko prozesua». Burujabetza feministaren ideia berreskuratu zuen Iraolak: «Prozesu indibiduala zein kolektiboa da». Ildo horretan, asmo makroetatik jardun mikroetara jauzi egiteko beharra aipatu zuten. «Ez dago iraultza egiteko era bakarra: bakoitzak bere lekutik egin behar du, norbere baliabideekin», esan zuen Iturriotzek. Norberetik hasi behar da kolektiboa lantzen, Murciarentzat: «Barruan dugun ni zapaltzaile hori ere auzitan jarri behar dugu». 

Eragin politikoa

500 emakume baino gehiago batu ziren atzo Ondarroan. Jendetzaren aurrean baikor mintzatu zen Goikoetxea: «Orain arte ezin genuen halakorik egin, ez geneukalako masa kritikorik. Orain asko gara, eta asko egin dezakegu». Ezkorrago jardun zen Ainhoa Etxaide LAB sindikatuko idazkari nagusia: «Kezkaz begiratzen diot mugimendu feminista indartsu dagoela diotenei. Izan gaitezen zintzoak: zenbat erabaki politiko baldintzatu ditugu? Emakumeok, feministok, erabakigarriak izan behar dugu».

Erantsi zuen egungo «inboluzio» garaiak ideologizazioa ere ekarri duela berekin: «Pobrezian daudenak inoiz baino posizio egokiagoan daude eraldaketa eraikitzeko. Duela zazpi urte kristalezko sabaiaz hitz egiten genuen, eta orain oinarrizko eskubideen lapurretaz; gakoa da nola borrokatu lehengo hura aldarrikatu gabe». Baldintza materialak lortzeko estrategia eraikitzean, aliantzen beharra aipatu zuen: «Arazoa ez da estrategia desberdinak edukitzea, baizik eta kontrajarriak izatea. Ez dugu denean ados egon behar, baina proposamen feministak behar ditugu». Baina, zergatik feminismoa? Goikoetxeak erantzun zuen: «Proposamen integratzaileak egiten dituen mugimendu bakarra da; feminismoak balio du herri oso bat eraikitzeko».

Autobusarekin igo ziren familiarrak eta lagunak euskal militanteen entzutera.. Gaua arte goaitatu zituzten erabakiak. Auziperatuek azalpen sakonak eman zituzten gaurko demokraziaren aurpegia nolakoa den kontatuz. Epaileek entzun baina erabaki gogorrak eman. Frantzia ez da prozesuan sartu, ez eta euskal borrokaren ezagutza politikoa egiteko prest.

Suediako arduradun politikoek lau presondegiren hestea erabaki dute preso kopurua txikitu delako. 10 milioi herritar baino gutxiagorentzat 5000 baino preso gutxiago daude. Prebentzioa eta erreabilitazioa dira krimenen kontrako politikaren oinarria. Estatu frantsesean presondegiak lepo eta gainezka direlarik interesgarria da ikustea presondegiratze baino beste politikak lantzen direla. Frantses gobernuen porrotaren froga dugu hemen, Taubira anderea justiziaren buru delarik ere.

http://www.infobae.com/2013/11/11/1522986-por-falta-presos-suecia-cierra-sus-carceles

Aste hauetan zehar epaitzen dituzten militanteek sostengu ederra jaso dute goizean  familiar eta lagun talde baten presentziarekin. Bihar Garikoitz Garroren urtebetetzea izanen dela eta zorionak kantatu dizkiote eta berrogei bat laguni besarkada emateko aukera izan du. Une oso hunkigarria izan da lekeukoen araberan.Epai mahaiaren presidenteak ez du trabarik ematen eta dena ongi gerta dadin saiatzen ari omen da. Ez da baitezpada berri ona, baliteke kondenak prest izatea eta gaineratekoaz paso egitea. Laster entzunen ditugu epaileen zigorrak, une horretan aterako ditugu ondorioak.

Arrankudiagako herritarren %61,59k bozkatu egin du gaurko kontsultan.Emozio asko herritarrendako, behingoz independentziri buruzko duten iritzia eskatzen baitzitzaien: Lehen aukera, parte hartzeko prest egon dira adin guztietakoek. Hamasei urte izan behar zen iritzia emateko. Gazteen iritzia ere kontutan hartu da. Bihar jakinen dugu emaitza ofiziala. Begiraleetan zeuden EHUko irakasleak diren Asier Blas Mendoza eta Ramón Zallo Elguezabal, Xabier Sainz de la Maza  eta Oscar Sánchez Setién abokatuak. Oso giro alaia egon da, joaldunak eta musikariak, aizkolariak eta pilotariak. Independentistak sareak ere deia zabaldu zuen galdeketan parte hartzera. 450k independentziaren alde bozkatu dute, aurka 13k

Navalcarneroko espetxean da preso ondarrutarra. Etxeratek bere azken txostenean azaldu zuenez, Hiesa C fasean eta orbana burmuineko ezker lobuloan ditu, eta azken horrek ikusmen galera eta beste funtzio kognitibo batzuen kaltea dakar. Ekainean Ondarroan aske uzteko eskatu zuten manifestazio batean.

Presoak zigorra etxean betetzeko eskaera egin zuen 100.2 artikuluan oinarrituta baina Jose Luis de Castro epaileak ukatu dio hori. Eusko Legebiltzarrak ere ekainean aske uzteko eskatu zuen. Une honetan bakartuta dago presoa, ekainean espetxe barruan eraso bat jasan ostean. Hiru hilabeterako neurria zela iragarri zuten.

Atxiloketa "ulertezina"

Lehen aldiz 2010ean atxilotu zuten Iparragirre. Orduan salatu zuten kartzelan igarotako denboran osasun arazo larriak izan zituela: "Kartzelako muturreko bizi-baldintzek Ibonen bizitza arriskuan jarri zuten". 2011ko urriaren 17an aske utzi zuten eta etxean egon zen.

Aurten, ordea, berriro atxilotu zuten. "Ulertezina zaigu Ibonen atxiloketa, eta gure kezka adierazi nahi dugu berriz ere Ibon espetxeratzeak bere osasunean ekar ditzakeen kalteengatik", salatu zuten bigarren aldiz atxilotu zutenean. Basaurin egon zen lehenik baina gero urrundu egin zuten.

Aurreko astean Ventura Tome aske geratu ondoren, une honetan hamar dira espetxean larri gaixo dauden euskal presoak:

Txus Martin Hernando (Basauri): Zaballa. 1960. urtean jaioa. 2002an atxilotua. Nahasmen eskizo-afektiboa, delirio osagarriarekin. Bakartua dute.

Josetxo Arizkuren Ruiz (Iruñea): A Lama (A Coruña). 1958an jaioa. 1999an atxilotua. Kardiopatia iskemiko larria. Kateterismoa: stent bat hodi batean.

Jose Ramon Lopez de Abetxuko Likiniano (Gasteiz): Villabona (Asturias). 1949an jaioa. 1989an atxilotua. Bradikardia sintomatikoa. Fibrilazio aurikularra. Prostatako adenoma.

Inma Berriozabal Bernas (Zegama/Elorrio): A Lama (Pontevedra). 1951n jaioa. 2009an atxilotua. Psoriasi artropatia, diabetesa (DM-II), diabetes oina, hipertentsioa, azkazaletako psoriasia, asma bronkiala, belaunetako protesia.

Gari Arruarte Santa Cruz (Hernani): Almeria. 1980an jaioa. 2003an atxilotua. Espondilitisa.

Iñaki Etxeberria Martin (Iruñea): Topas (Salamanca). 1964an jaioa. 1996an atxilotua. Eboluzio luzeko miopia magnoa dauka. Eskuineko begiko erretina hemorragia, ikusmen zorroztasunaren galera, ezkerreko begiko afakia.

Aitzol Gogorza Otaegi (Errenteria): Basauri. 1975ean jaioa. 1999an atxilotua. Nahaste obsesio konpultsioa. Bakartua.

Jose Miguel Etxeandia Meabe (Larrabetzu): Topas (Salamanca). 1960an jaioa. 2003an atxilotua. Nahaste obsesibo konpultsiboa, C hepatitisa.

Ibon Fernandez Iradi (Hernani): Lannemezan (Frantziako Estatua). 1971n jaioa. 2003an atxilotua. Esklerosi anizkoitza.(Berria)

Egun osoko egitaraua prestatu du Independentistak Sareak abenduaren 6rako, Espainiako Konstituzioaren egunerako, Durangon

Abenduaren 6a —Espainiako Konstituzioaren Eguna— independentziaren aldeko egun bihurtu nahi du Independentistak Sareak. Horretarako, egun osoko egitaraua prestatu du, Durangon (Bizkaia), euskal liburu eta disko azoka dela-eta hara joango direnentzat. Horrekin batera, manifestazioa deitu du Gero eta gehiago, gero eta ozenago, independentzia lelopean. Landako gunetik abiatuko da «martxa berdea», 18:00etan.

Leku horretan bertan eginiko prentsaurreko batean eman dute mobilizazioaren berri. Independentistak Sareko kideek gogoratu dutenez, duela 36 urteko abenduaren 6an onartu zuten Konstituzioa Espainiako Gorteetan, «herriaren gehiengoaren borondatearen aurka» eta «era antidemokratiko» batean. Ordutik jaiegun ofiziala da Hego Euskal Herrian ere. Independentistak Sarearen iritzian, «inposatutako ikur» bat da jaiegun hori, «Espainiako Konstituzioa den bezalaxe». «Euskal Herriari bere naziotasuna eta etorkizuna erabakitzeko duen eskubidea ukatzen dion konstituzio arrotza ospatzera behartu nahi gaituzte era iraingarrian», salatu dute .

Hori hala, urtero legez, sareko kideek dei egin dute egun horretan, Espainiako konstituzioa ospatu beharrean, «Euskal Herriaren askatasuna» aldarrikatzeko: «Gure etorkizuna askatasunean eraiki nahi dugula adieraziko dugu. Independentzia aldarrikatuko dugu. Horixe da, gure ustez, inposizioari eta ukazioari erantzuteko erarik onena», esan dute.

Kultur eragileen inplikazioa

Independentistak Sareko kideek Durangoko euskal liburu eta disko azoka baliatu nahi dute euren aldarrikapena zabaltzeko. Azpimarratu dute azokaren «filosofia eta ezaugarriekin» bat egiten duen mobilizazioa antolatu dutela, eta «euskara, kultura eta sormen munduko» lagunen parte hartzea lortu dutela. «Eurak izango dira protagonistak egingo diren ikuskizun eta animazioetan, eta arratsaldeko martxan».

Radio Euskadik eman du EPPK Euskal Preso Politikoen Kolektiboko kideen erabakiaren berri. Lehen aldia izango da presoek bide horretatik joko dutena. Jose Luis de Castro Espetxe zaintzako epailearen aurrean salatuko dute presoen sakabanaketa.

Lehen fasean, 50 preso inguruk aurkeztuko dute kexa, bakarka. Nork bere eskaria aurkeztuko du, kasu pertsonala azalduz eta zein giza eskubide urratu zaizkion adieraziz. Sakabanaketa salatzearekin batera, Euskal Herriko espetxe batera lekualdatzeko eskatuko dute. Aurrerago litekeena da preso gehiagok erabiltzea bide hori.

EPPK-k orain arte erabili ez duen baliabide bat izango litzateke. Iazko abenduan, EPPK-k jakinarazi zuen "lege baliabideak" erabiliko zituela "etxeratzeko" bidean. Martxoan hasi ziren eskaera horiek aurkezten, baina ezezkoa jaso dute.

Presoen urratsak "babestu" eta "lagundu" behar direla dio EH Bilduk

Agerraldia egin du EH Bilduko Julen Arzuaga parlamentariak, euskal presoen urratsa baloratzeko. Adierazi duenez, oraingo erabakia iazko abenduan EPPK-k egindako adierazpenaren ondorio zuzena da. Alde horretaitk, presoak "emandako hitza betetzen" ari direla nabarmendu du Arzuagak. Gainera, era horretako pausoak politika eremutik "babestu" eta "lagundu" behar direla esan du. Era berean, presoen sakabanaketa salatu du, "indarkeria, sufrimendua eta mina dakarren inposizioa" delako. Bertan behera uzteko deia egin du, "herri honen gehiengoak" hala eskatzen duelako.

Ekainetik honera bosgarren mapa aurkeztu dute diputatuek. Ematen du azkena da burugainera eroriko zaiguna, Behintzat gurekin erabakiko dutena. Sekulan baino erregio handiagoan kokatzen dute Ipar Euskal Herria. Lotzen dute kultur arrunt desberdina duten lurraldeekin, estatuan integrazioa behartzeko, asimilazioa bultzatzeko. Ez dugu bide horretatik gauza handirik irabaziko.

Urriaren 4an Muskildin abiatu zen Silabaz Xilaba, datorren larunbatean azaroaren 15ean iritsiko da Baionako helmugara... Bertan jokatuko den Finalean Sustrai Colina, Eneritz Zabaleta, Maddalen Arzallus, Odei Barroso, Ramuntxo Christy, eta Xumai Murua bertsulariak neurtuko dira. Joana Itzaina arituko da gai-emaile Baionako Lauga gelan. Epaile lanetan Eneko Bidegain, Beñat Soulé, Lierni Elorza, Joakin Arregi eta Erik Etxart izanen dira bertsularien lanak neurtzeko ardura ukanen dutenak. Eta aurten, Txomin Ezponda bertsulari baxenabartarrak jantziko dio xapela xapeldun berriari.Saioa 17:00etan hasiko da.

Finalean bi herritar egonen dira, Sustrai Kolina eta Odei Barroso. Biak, bertsolari handiak, aukera guztiak dituzte sailkapen ederra egiteko, hor izanen gara bertso ederrak entzuteko. Hain preziatuak diren bertsolarien alde zertxobait gehiago egitea nahi genuke herrian, adibidez elkarteen diru laguntza aztertzen delarik, orai arte ematen den diru pizar horiek baino gehiago ematea bertsolariak sortzen aritzen den Bertsolarien lagunak elkarteari.

Frantses estatuan kolektibo bat sortu da Austeritatearen kontra "3 A" deitzen dena. Duela egun batzuk deitu gaituzte PCF-ekoak jakiteko ea LAB-ek parte hartu nahi zuen holako dinamika batean.

Gure ustez holako dinamikak guztien artean hitz egin behar dira eta ez egina izan den moduan bainan ala ere, deitu gaituzte behingoz.

Saiatzea aurrera begira elkarlanean aritzea, inportantea delako,

Erabaki dugu deitzea antolatzen duten hitzordura (Larunbata 15an, goizeko 11etan  Hendaiako Herriko Etxea aintzinean).

Estatu frantsesak sei urteko espetxe zigorra ezarri die Oroitz Gurrutxaga eta Xabier Aranbururi

Murgiltze sistema egokia dela onartu du Poulouk. Euskararen alde anitz egin duela ere nabarmendu du: ez dela euskaldunen aurkakoa eta, oro har, ikastolaren alde dela; baina ez du soluziorik Ziburuk ikastola bat ukan dezan hiri barnean.

Manifestaldi jendetsua Poulou auzapezari ikastola herritarrena dela gogoratzeko, ikastola kokatua dela Ziburun eta bertan gelditzeko erabakia hartua dutela burasoek. Euskararen babesa da Ikastola, prentsan euskararen aldekoa dela dio Poulouk, froga dezala ekintzetan, hitzak soberan daude jada. Esperantza dago aterabidea atxemanen dela laster.