Gaur ere euskararen eguna izanen da! Bai atzo eremu askotan aipatu da ZEusko Ikaskuntzak proposamena. Noski euskarak merezi du egun bat, euskarak egunero euskaraz egitea merezi du.

Horretaz ari gara. Instituzioak askotan aipatzen dira, haien aldetik laguntzak espero ditugulako.

Horrez gain, euskaldunak entzutea behar dugu, egunero, toki guztietan. Izan ere, euskaldunen kopurua begiratzen badugu, euskaldunen proportzioa biztanlegoari begira kezka sentitzeko badugu. Horregatik, ozenago hitz egin behar dugu, ozenago  elkar indartzeko. Gero eta tresna gehiago dago euskararen alde baina nagusia norbanakoa da, bakoitzak bizia ematen baitio euskarari.

Gaur ere euskararen eguna izanen da!

Erran genezake hauteskundeen inguruan urteetan egindako lanak emaitzak ematen dituela, behintzat zenbakietan.

Diskurtso ezagunagoa, abertzaleen aldarrikapenak entzungarriagoak egin dira, beldurra ez dute sortzen. Aldarrikapen konkretuak, behar argiak, askotan herri edo herrialdeari lotutako aldarrikapenak izaten dira eta herritarrek ulertzen dituzte. Herriko jendea presentatzen da eta hautagai hauek hurbilagokoak sentitzen dira.

Ipar Euskal Herri maila aldarrikapen berdinak agertzeak erraten du ere ulermena eta kohesioa eta koherentzia erakusten du, hau ere herritarrek eskertzen dute inguruko frantses alderdiek ez baitute horrelakorik erakusten.

Independentziaren aldeko aldarrikapena ahuldu da, baita ere hegoaldekoekin bat egiteko nahia ere. Herriari lotutako atximenduak du oihartzun handiagoa dudarik gabe, hurbiltasuna eta proiektu konkretuak, neurtzen direnak.

Bost kantonamendutan bigarren itzulian, ezin pentsatua duela zonbait urte. Zalantzarik gabe oztopo asko gainditu dira. Ematen du hauteskundeen bitartez dena posible izanen dela. Ez da argi hain optimiste izateko biderik dagoen baina bai pozteko arrazoinak horrenbeste mespretsu jaso ondotik. Zer erranen du Parisek horrelako emaitzak ikusita.  Parise entzungor egonen da, 2017ko aipatzen zuten elkargoa, hauteskundeen bezperan? Sozialistak podoretik kanpo izanen direlarik? Sozialistek ez dute emaitza onik lortu, ia-ia Ipar Euskal Herritik kanporatuak izan dira, hau berria da bi diputatu sozialistak direlarik. Eragina aldatu da. Horrek erakusten du ere herritarrek bozka aldakorra dutela. Abertzaleek gaina hartu die sozialistei. Hau zen helburua!

Frente Nazionak, frantses nazionalismo erradikalak emaitza onak lortzen ditu ere, eskuinak orohar mantentzen da eta gero eta emaitza hobeak ateratzen ditu. Hau ez da errealitate ona, imigrazio edo krisi ekonomiko larriaren ondorio handiak jasaten ez duen lurraldean. Giro orokorrak esplika lezake gehiago emaitza.

Alain Hiriarten parean FN aurkitzen da, eskuinak eta ezkerrak emanen ote dio bozka EH Bairi? Aipatutako frente errepublikarra martxan jarriko ote da EH Bairen alde? Zer erranen dute frantses alderdiek bi itzulien artean. Alderdi desberdinek hartuko dituzten jarrerak oso interesgarriak izanen dira.

Espero dezagun mugimendu guzti hauek independentziara eramanen gaituztela eta gaur egun bake prozesuaren urratsak emateko lagungarria izanen dela. Trabagarria ez da, zalantzarik gabe. Haatik presoen gaia ez da asko aipatu kanpainan, hau arazo politiko eta soziala bada, kantonamenduen ahalmenetan sartzen dena.

Alain Hiriart lehen eta parean Fronte nazionala

Prentsaren arauera, Ventura Tomek aldegin behar izan zuen 1990an etxetik. Geroztik presondegia, konfinamentua, auziak, libratzeak, berriz presondegiratzeak, beti borrokan,inguruan  etsaia beti presente, gibeletik. Hirurogei urte gure herriaren alde. Ez dute inoiz pakean utzi, erakunde armatuak bere jarduera armatua bukatu eta lehen presondegiratzea izan zen berea. Txapela kentzeko ibilbidea eta txapela eramaten ez dugunontzat errespetua.

Estatuek konponbiderik ez dutela nahi, horren froga gordina da, gaur Ventura Tomek jasaten duen eritasunarengatik kanpoan egon behar lukeelako. Horrela izan zen Barbie-ren kasuan. Ez zuten zalantzarik izan. Beste askorentzat zalantzarik ez dago.

Julen Mujika eta Intza Otxandabaratzen kasuan ere zergatik bizi normala daraman bikotea, inongo arriskurik sortzen ez dutelarik. Errepresio bidea baizik ez dutelako ezagutzen.

Garai batean "Askatasuna ala hil" erraten zen, gaur egun militanteak hiltzeraino preso atxiki nahi dituzte, Josu Uribetxeberria Bolinagaren kasuan bezala.Ez dituzte pairatzen dituzten minak ezagutu nahi. Mendeku soila. Honek ez du izenik. Estatu horien baitako metodologia, logika, deshuminazioa.

Jules-Edouard Mousticek Black & Basque festibala bultzatu zuen. Hiri urtez iragan da eta festibala arrakastatsua izan da. Aurten ere laugarren aldiko hiru egunez kultura nahasketa iraganen da Baionan. Haatik kezka batzu agertzen dira joan den urteko festibalak  40000 euro baino gehiagoko ziloa utzi baitzuen. Orai arte Baionako herriak 20000 euroko diru laguntza ematen zuen, 300000 euroko aurrekontuarentzat, baina seguraski behar handiagoa izanen da aurten. Jean René Etxegaraiek, gaur auzapeza dena, sostengatu du orai arte festibala, baliteke alde horretatik erreztasunak izatea aurrekontuen lotzeko.

Aurten gutxienez abuztuan Black and Bask festibalaz gozatzeko aukera izanen dugu Baionan. Bihurgune batera heldu da festibala dudarik gabe. Agian bihurgunearen hartzeko gaitasuna egonen da iniziatiba baikorra eta aberasgarria baita gure kulturendako.Egitaraua ez dute ezagutzera eman oraindik.

Diskriminazioen aurka ekiteko nantesko lizeetako ikasleen ordezkariek proposamena egin zuten. Proposamena zen denak neska eta mutikoak gonetan etortzea lizeora egun berean. Hau Nantesko akademiak, babestu du. Horrela  maiatzaren 16an mutikoei eta neskei, denak gonetan etortzeko gomita luzatu zaie. 27 lizeetako ikasleei luzatu zaie gomita.

Larunbatean, goizeko 10:00etan abiatuko da mendi martxa Azkaine eta Urruña artean dagoen Olheta auzoko Trabenia ostatuko aparkalekutik. "Patxadaz baina gogotsu", Larrun igoko dute partehartzaileek, bi ordu eta erdiko irteera batean. Larrunera iristean, ekitaldi bat iraganen da, eta berriro Trabeniaraino jeitsiko dira.

Ondotik, Ziburuko Baltsan elkarteraino auto-karabana bat eginen da eta 15:00etan zertxo bat jaten ahalko dute Larrunera igo direnak. Eguna bukatzeko, herri kirolak eta jolasak antolatuko dira Ziburuko pilota plazan.(Kazeta info)

Apirilako azken igandea euritsua izan behar zen. Meteoak hala iragarria zigun. Alta eguna iraun du ia-ia euririk gabe.  Lagunekin kalakan aritzeko, paseatzeko, kafea hartzeko ederki, oso egun ona izan da. Aldaketa Herriko Etxearen aldetik, ikurrina eta Nafarroako bandera zintzilik. Barnean  inguruko hautetsiak bildurik. Egun ederra, inguruetako herritarrak hurbildu dira eta ostatuak bete-beteak zeuden.

Gernikako bonbardaketa 1937ko apirilaren 26an Gerra Zibilean Gernika hiriak (Bizkaia) pairatutako hegazkin-erasoa izan zen. Erasoak zibilak sarraskitu zituen, eta hiria suntsitu: eraikinen % 1 baizik ez zen zutik geratu. Luftwaffe naziaren Kondor Legioa eta italiar faxisten Aviazione Legionariako hegazkinak izan ziren erasotzaileak. Operation Rügen (euskaraz: "Rügen operazioa") izenekoan, hildakoak, azken ikerketen arabera, 250 izan ziren;^[1] tartean 126 zibil. Mendebaldeko herrialdeen begietara, Gernikakoa Luftwaffek egin zezakeen terrore bonbardaketaren adibidea izan zen, eta halako ekintzak egiteko prestatuta zegoelako froga zen.^[2] Bonbardaketa Pablo Picassoren gerraren aurkako margolan famatuaren gaia izan zen.

Gerla honek, frankisten, faxisten garaipenarekin bukatu zenak, izigarrizko ondorioak izan zituen Ipar Euskal Herrian. Trumilka errefuxiatu pasa ziren hemendik, Garazik haur asko aterpertu zituen, nahiz eta "gorri" gisa aipatzen zituzten bertan. Errefuxiatu batzuk hemen egin zuten bizia eta Ipar Euskal Herria aberastu. Gerla horretako zauritu asko artatu zituzten hemen, La Roseraie-n zaintzen zituzten batzuk. Elkartasuna handia izan zen baina bertako hautetsiek ez zituzten errefuxiatu horiek begi onez ikusten.

Euskal kultur munduko handiak ere hemen egon ziren, Barandiaran, Labayen,Mugika apezpikoa, Orixe...Gure memorian daude, hemen egin zuten lana ere.

Fabius 1981tetik poderetik beti hurbil, edo bertan bizi izan da. Lehen ministroa izan zen eta Greenpeace-en kontrako ekintza bat antolatu zuen zertan kazetari bat argazkilaria hil zuten. Arazoak izan zituen horren aitortzeko baina Frantziaren aldeko ekintza zitekeen. Ondoren odol pozoinduaren gertakarietan nahasia izan zen garai horretan ministro baitzen eta horrean arduradun. Epaiketak izan ziren baina xuritu zuten. Itzuli da ministro gisa Hollandekin eta kanpo arazoetako ministro gisa. Kanpo arazoetako ministro bada ere azken postuen banaketan turismoaren ardura hartu du ere. Bi gaien arteko lotura ikustea zaila baldin bada ere.

Turismoaren ardura izanik, pentsatzen du saltokien idekitzea igandeetan, turismoak garrantzia handia duen tokietan, egokia litzatekeela. Ez dakigu ea gaia aipatu duen sindikatekin. Behintzat  azalpena egin du prentsan, erreakzioak neurtzeko gisan dudarik gabe. Igandeetako lana indarrean emateko legea aldatu beharko da. Turismoko arduradunekin bilduko da gaur, ez dira sindikatak gomitatuak.Gaia planteatua izan zen urte hastapenean brikolatze saltokientzat. Aldi honetan legearen aldaketa egiten badute atea irekiko da saltoki guztientzat.

Gure eremua turismoarekin oso ukitua izanik lege aldaketak ondorio zuzena izanen du langileentzat.

Joan den ostiralean atxilotu zituzten hamaika txano gorrietatik preso sartu dituzte zortzi eta hiru utzi dituzte kanpoan kontrolpean. Denak heldu den asteartean epaituko dituzte Rennes hirian, bidesariko ateken ondatzeagatik. Leporatzen zaiena da talde ekintzaile bateko partaide izatea. Haien sostengurako deia egin dute datorren astearterako epaitegiaren aurrean.

Lehen adierazpenen arauera, Txano Gorriek diote leporatzen zaiena ez dela ekintzetan oinarritzen baina egitekotan zituzketen ekintzetan. Alegia prebentzirako atxiloketa zitekeela. Arriskatzen dituzten kondenak nahiko larriak izanik sostengatzera etortzea eskatzen dute.

Euskal Herri guztitik etorria zen jendea. Iruñako sarreretan jarritako kontrolak jasan behar izan zituzten batzuek.Europan zehar, Eskozian, Kataluñan abiatutako prosezuak agurtuz, gure ibilbidearen jorratzeko beharra heldu zaigula ozenki aldarrikatu dugu. Independentziaren bidea hartuko dugu hobeki bizitzeko, gizarte zuzenagoa eraikitzeko. Horretan denek dugu zer egin.

Bi oreneko ibilbidea, ia-ia kilometro et'erdiko lerroa Iruñako karriketan. Bertsoak, kantuak eta diazporako agurrak izan dira goizeko unerik garrantzitsuenak. Ondoren besta egiteko garaia heldu da Anaitasunan eta alde zaharreko laguntzaileak ziren ostatuetan.

Gozamena, besteak beste aurten urte askoren ondotik presondegitik ateratu, herbestetik itzulitako militanteentzat.

Bukaerako lemak: gora Euskal Herria askatua, gora Euskal Errepublika independientea.

Azken deia etorri da Gure esku dagok giza katearen eraikitzeko egin duen gomitarentzat. Han elkartuko gara gures esku baita erabakitzeko eskubidearen aldarrikatzeko, independentzia lortzeko.

Giro ederrean iragan da Euskal Herrian Euskaraz Urruñako taldeak antolatua zuen bertso afaria joan den larunbatean. Datorren urtean jende gehiago bilduko da eta bitartean herrian euskararen zabaltzeko lanetan ariko gara euskaldun guztiak. Urruñan ere euskaraz bizi nahi dugu etxean eta baita ere leku publikoetan!

Alderdi desberdinetako hautetsiak buru, Bretagne Réunie eta "44 = Breizh" kolektiboek gaurko Nantes hirian antolatua zuten manifestaldia arrakastatsua izan da. Bretainako bost departamenduen lotzeko eramaten den debatearen indartzeko helburua lortu dute.

Loire Atalntique departamendua, 44 zenbakikoa, Bretainako erregiotik bereiz atxikitzen zuen Parisek. Departamendua Bretainari lotzea aspaldiko aldarrikapena da Bretainan. Izan ere departamendua  Petain generalak bereizi zuen 1941ean dekretu baten bitartez. Erregioko parlamentuak Loire Atlantique departamentua Bretainari lotzeko adierazpena bozkatu zuen joan den ostegunean. Gaur Nantes hirian aldarrikapena entzunarazi dute. "Demokrazia eta batasuna" lemaren gibelean jarri dira hautetsiak. Aldarrikapena ez da inongo alderdiri lotzen, bertako mogimenduaren aldarrikapena izan da eta azken urteetan gaia mahai gainean jarri da. Bestalde lurralde berrantolaketaren gaia pil-pilean dagoelarik, erregioen kopurua txikitzearen proposamena heldu delarik Parisetik aukera paregabea da Bretaina erregio gisa biltzea eta bere historia errespetatuz departamendu guztiak lotzea. Aspaldiko militante asko ikusi dira manifestaldian, mundu politikokoa eta artistak ere.

Valls lehen ministroak proposatzen duen lurralde antolaketa berriaren aurrean hemen du gaia Bretainarekin debatitzeko, erregio berria bost departamenduz osatua, izen bakarrarekin: Bretaina.

Zalantzarik gabe, Eskoziako, Kataluniako independentziaren aldeko jarrerak, mugimenduek ideia berriak hedatu dituzketa Bretainan, bertan garapen ekonomikoa zailtasunen erdian dagoelarik. Ekonomikoki aukera handiagoak lituzketelaren ustea handia da bertan. Frantzia gero eta gehiago arrasta gisa sentitua da Bretainan. Ondoko hilabeteak interesgarriak izanen dira.

Prentsa zabalean atera zaigu gaia, diru berria asmatia izan dela eta sarean erabiltzeko dela. Gauza asko eros daitekeela horrela diote, armak ere, eta jadanik trukatze handiak egiten direla diote. Diru berri hau ez omen da inongo zentrori lotua eta azken egun hauetan aipamena izan da Newsweek aldizkariak hedatu baitu asmatzailea atxeman zutela eta Kalifornian bizi zela. Geroztik agertu da ez dela egia baina izigarrizko publizitatea egin dio bai aldizkariari, bai diru horri.

Kontrolik gabeko dirua da, trukeek ere kontrolik ez dute. Argi da gero eta zabaltze handiagoa izanen duela eta horren berri emanen dutela.Argi da  noren onerako den ez dela erraten.

Info7 irratiak elkarrizketa oso interesgarria eskaintzen digu emazteen egunaren bezpera honetan. Angeles Florez 1937an atxilotu zuten eta 1941an askatu zuten. Saturraranen preso atxiki zuten Asturiarra, preso atxiki zuten frankistek. Hemen kontatzen du bere erresistentzia eta borroka egitera deitzen du gazteria.

http://www.info7.com/2014/03/07/angeles-florez-peon-luchadora-incansable-a-sus-95-anos/

Ibon Iparragirre ondarroarra atxilotu du gaur goizean Ertzaintzak Gizaburuagan, bere etxean. Iparragirrek gaixotasun larria du eta 2011ko urritik etxean zegoen, espetxealdi arinduan.

Ibon Iparragirreren senideek NAIZi adierazi diotenez, gaur goizean Gizaburuagako bere etxean paisanoz jantzitako poliziak zebiltzan eta ondoren Ertzaintzaren hainbat patruila agertu dira. 10.45 aldera atxilotuta eraman dute.

Iparragirrek gaixotasun larria du eta 2011ko urritik etxean dago, espetxealdi arinduan.

Senideek uste dute Iparragirre Ondarroako Ertzaintzaren komisariara eraman dutela. Atxiloketaren zergatia ez dakite, baina Auzitegi Goren espainolak joan zen astelehenean atera zuen epaiarekin zerikusia izan dezakeela uste dute. Sententzia horretan Iparragirre berari eta Asier Badiolari ezarritako kartzela zigorra berretsi zuen Gorenak, eta atxiloketa horren berri emateko izan daitekeela uste dute.

Iparragirreri eta bere familiari horrelako egoera bat jasanaraztea gogor salatu dute, izan ere Ondarroarra astero joaten baita Basauriko espetxera sinatzera eta atzo bertan ere han izan zen.(Naiz informazioa)

Biriatuko ordainlekuan  elkartu dira Signature lantegiko langileak haien aldarrikapenak gogoratzeko eta horretarako ordainlekua ideki eta pasatzea libro utzi dute. Langileen kanporatzearen mehatxuaren pean daudenez haien kezka herritartzen saiatzen ari dira.Dena ederki iragan da.

photo Bertrand Lapègue

- Sari pila bat irabazten ahalko dituzue !
- Euskal Herriko Pintxorik goxuenak jan !
 Eta lasai egon, Arotzenia ostatuak zainduko zaituzte hidratazio mailan !

Venez nombreux au 2ème Loto Bingo d'UrrunHurbil
des magnifiques cadeaux à gagner !!!

Xole Mariluz ekonomilariak Urruñan, Herritarrak elkarteak gomitaturik, egindako mintzaldiaren ondotik, zenbaki batzuk utzi dizkigu Urruña hobeki ezagutzeko, aztertzeko eta behar bada debatitzeko, gure artean hitz egiteko.

Bertan zenbaki interesgarriak ditugu, herritarren kopurua eta urtean zeharreko aldaketa, bigarren etxebizitzen kopurua eta beste zenbaki interesgarri ainitz. Horrez gain Xole Mariluzek egoerari gain begirada bat ematen dio, azterketa orokorra eskainiz. Eskertzen dugu. Hemen duzue:

Ipar Euskal Herriko ekonomia ulertzeko pista batzuk.

Gure ekonomia ulertzeko ezinbertzekoa da bilakaera demografikoa eta turismoarena hurbiletik aztertzea.

Izan ere, jarduera gehien gehienak tokiko eta pasaiako jendeen beharrak asetzeko bideratuak baitira.

Bere aldetik, arlo produktibo esportatzailea nahiko marginala da, sektore batzuk aipatu behar badira ere (labore elikadura, aeronautika, lerra ala metalen industriarenak).

Behin betiko (biztanleak) eta behin behineko (turistak) beharrak betetzeko ekonomia mota hau, ekonomia egoiliarra¹ deitzen da. Ipar Euskal Herriko lansaridunen %70 baino gehiago enplegatzen du.

Honako jarduerak biltzen ditu : eraikuntza, kontsumo xeheko komertzioa, partikularrentzako zerbitzuak (ostatuak, hotelak, zaintza, garbiketa, …), osasuna, ekintza soziala, finantza aktibitateak. Jarduera publikoak ere gehitzen ahal zaizkio : estatu, lurralde eta ospitale funtzioak.

Enplegu motari doakionez, kalifikazio apalagokoak dira, gutiago ordainduak eta ezegonkorragoak.

Aurkezpen honen bidez joera demografiko nagusiak aztertu ditugu Urruñako egoerari behako berezi bat emanez, ondotik ekonomia egoiliarrak biltzen dituen enplegu motetaz interesatu gara eta azkenean, zenbait gogoeta egin ditugu gure garapenari buruz.

Hona hitzaldi denboran landu ditugun atalak :

I . BILAKAERA DEMOGRAFIKOAK IEH-KO EKONOMIA AZKARKI BIDERATU DU

  A. Bilakaera demografikoak eta turismoak ...

  B. ... . egoiliar ekonomiaren nagusitasuna eragin dute.

II . ARLO PRODUKTIBOAK GARRANTZIA GALDU BADU ERE ALDE INDARTSUAK DITU.

  A. Laborantza eta labore elikadura (agroalimentarioa) arloa.

  B. Industria eta enpresekiko zerbitzuak.

III . GARAPENAREN INGURUKO GOGOETA BATZUK

  A. Egoiliar ekonomiaren arrisku eta aukerak.

  B. Garapen pasiboa eta aktiboa.

  C. Garapena eta euskal nortasuna.

Urruñari doakionez, hona laburzki aipatu dena.

Kostako herria bada ere, demografikoki Lapurdi barnekaldeko dinamika segitzen du. Han segur ere kostako lur eremu gehien daukan herria delako, eta azken urte hauetan, etxe andana eraiki delako.

Kostako herrietan bezala biztanlegoa emendatu da baina nehun baino bizkorrago. Ez da soilik kanpotik jende gehiago jin delako baizik eta sortze gehiago izan delako heriotz baino. Beraz bi saldoak, naturala eta migratorioa, positiboak dira.

Arras bertze dinamika du auzoko Donibane Lohizunek.

40 urte hauetan Urruñako biztanleria bikoiztu da (%99 gehiago), Donibane Lohizunekoa %27 baizik ez delarik emendatu.

Donibane Lohizune jendetza irabazten ari da kanpoko jende gehiago jin delako, saldo naturala aldiz arrunt negatiboa da, Urrunan ez bezala.

Adin banaketari doakionez, bi herriek zahartzea bizitzen eta bizituko dute. Donibane Lohizuneko emaitzek ongi erakusten dute ez garela gehiago piramideaz ari baizik eta V itxurako irudiaz (gazteen defizita handia eta zaharren gainpresentzia).

Urrunako ekonomia biztanleriaren eta turismoaren dinamiken ondorio zuzena da. Urrunako biztanleria nagusiki zerbitzu eta komertzio jardueretan ari da (%77). Erran bezala enplegu horiek kalifikazio eta errenta apalagokoak dira industriako enpleguei konparatzen baditugu. Batazbertzean, 2008an, Urrunar batek 11.4€ garbi irabazi ditu, orduka, Pirinio Atlantikoetako biztanle batek 12.2€ irabazi dituelarik. Horrezgain ezegonkortasun maila handiagoa dute, horietarik frango turismoari lotuak izanki.

Hiru laurdena egun guziz herritik kanpo doa lan egitera (Hendaia, Donibane Lohizune eta Baiona aldera hain segur ere) eta horien artean %8.5 “Frantziatik” kanpo (%1.1 Donibane Lohizuneko kasuan), pentsa daiteke Gipuzkoarat joaten direla.

2007az geroztik langabezia azkarki emendatu da +%40 (A kategorikoak), erdiaren kasuan iraunpen mugatuko kontratua bukatu ondoan.

De Coral anderea ezagutua da Urruñan. Duela hamabi urte heldu zen Herriko Etxera hautetsi gisa eta sei urteren buruan  Marinen eskutik auzapez tokia hartu zuen. Hori gertatu zen Poulou ez zelarik zerrenda buru aurkeztu eta Daniel Irazokik haren aurka egin zuelarik. Eskuinakoen arteko tira-birak. De Coralek boz bakar batuzk gehiago lortu eta Irazokiren zerrendatik  hautetsi bakar batzuk hautatu zituen.. Horietan Marie-Helene Goya, Jean Tellechea, Michel Larretche eta Martin Tellechea. Tratua bi zerrenden artea oso gaizki iragan ziren. geroztik sei urte eman ditu agintean De Coralek.

Komunikazioa landu du, asko. Euskararen alde eginen zuela, ia-ia ez da deus gertatu baina gaur egun aurkezten duen liburuxkan ez du laburpen xume bat egitea euskaraz ahanzten. Marketing ikasia omen du! Egia da herrian haurren gehiengoak ikasten duela euskaraz edo euskara...

Familia hobesten du eta oso aktiboa izan da denentzako ezkontzaren kontra. Arrangoitzeko auzapeza eta bera izan dira Euskal Herriko auzapez aktiboenak eta petizioak izenpetzeko.http://www.sudouest.fr/2012/12/11/douze-maires-opposes-au-mariage-pour-tous-905230-710.php; http://www.lejpb.com/paperezkoa/20121208/376707/fr/Douze-maires-contre-le-mariage-pour-tous.Hemen ditugu garaian bertako prentsak agertutakoak. Jarrera harrigarria legea bozkatu eta gero, askotan errepikatzen duelarik legea errespetatu behar dela.

Moralaren aldetik ere ikasgaiak ematen aritzen da askotan Herriko Konteiluetan herria zerbitzatzeko daudela erranez. Autopista zabaldu zelarik bere jauregiaren aldetik zabaltzea sahiestea lortu zuen eta ASF aldetik lehoien berriztea lortu ere zabaltzearekin  arrabots handiagoa sortuko zelakoan. Hori normala autopisten kalteak handiak izaten baitira.

Aldi honetan Daniel Poulouk TVPn egindako mahai inguruan de Corali leporatu dio "lotissement  personnel" bat egitea. Auzapezak ez du erantzun. Gaur Pibales eskutik eta Kazeta inforengandik kexa bat jarria zela auzitegi penalean erran nahi baitu auzapeza bera pertsonalki salatua izan dela eta prokuradoreak, Kaianakisek onartu duela kexa. Kexa abenduan jarria izan da eta dagoeneko aztertzen hasiak dira, brigada finantzieroaren eskutik.

Kexa jarria izan da de Coralek eta bere familiak herriaren erdian eraikitako lotizamenduarengatik."Prise illegale d'intérets" da lehenik leporatzen zaiona.Bestalde beste bi pertsona hunkituak liratekeela ere agertzen da. Ondoko egunetan horren berri izanen dugu.

Gisa guztiz hain gardena agertu nahi izan duen auzapezak egin ahalak eginen dituela dituen harreman guztien hunkitzeko ez dago zalantzarik. Bestalde askotan agintean dauden politikariak nahiko lasai utzi ohi dituzte. Haatik hain moralistak agertu diren beste hautetsi batzuek agian beste itxura hartu behar lukete haien sostengua ematen badiote eta kexa jarraitzen badu. UMPk beti poderea bilatu izan du Ipar Euskal Herrian, herri honen geroa ez zaio inporta. Abertzaleei doakigu horren erakustea eta horretan huts egin da.

Erreferendumaren ondotik aldaketak heldu dira Krimera. Tataroak lehen lerrora azaldu dira, aspaldiko partez. Tataroak musulmanoak dira eta bigarren gerlaren ondotik errepublika sobietatik naziekin kolaboratzea leporatu zitzaien. Ondorioz asko deportatuak izan ziren. Gaur egun Tataroak Krimeko herritarren %12a osatzen dute. 

Aldaketarekin, erreferundamen alde ez bazuten deitu ere, Tataroek ere ondorioak ezagutuko dituzte. Lehenik diruaren aldaketa ezagutuko dute, hau da errubla izanen baita bertako sosa. Bestalde lasaitasunaren lortzeko asmoz Poutinek hiru hizkuntzen ofizialtasuna iragarri du. Alegia Tataroek ere beren hizkuntzaren ezagutza lortzen dutela. Turkian hiru milioi Tataro daude eta haien hizkuntza ez da ezagutua. Bestalde erretretak eta hilabetesariak Errusian Ukranian baino bi aldiz altuagoak dira. Ondorioz Tataroen erreakzioa ez da ezagutzen baina sortzen zaizkien bizi baldintzak zonbait arlotan hobeak daitezke.(JOL press)

Kontseiluaren lan ildoetan euskararen inguruan urtean zehar gertatutakoa biltzea izaten da.Hau dena bildu, aztertu eta horren bilduma egitea izaten da helburua. Urekarian biltzen du hori dena Kontseiluak.Gaur joandako urtean zehar bildutakoa aurkeztu du Kontseiluko azken urtekaria.

Ipar Euskal Herria aipatu dute Hizkuntza gutxituen karta frantses gobernuak ez duela izenpetu gogoratu dute eta Hendaiako ikastolaren egoera. Aurten ere euskararen aldeko ahaleginak egunerokoak direla argi gelditu da.i

Ideia behar dituzte gobernuan gure zergekin ezin baitituzte oraindik kutxak bete. Beste bide batzuk behar dituzte eta dudarik gabe autoa da errekustso buka ezina. Ez da zalantzarik abiadura zaindu behar dugula bidean eta ez dugula ez edan ez produkto toxikorik kontsumitu autoa hartu baino lehen. Hori ez dugu zalantzan emanen. Baina, hemen ardi dugu helburua dela diru iturri berriak atxematea. Zoko guztietan sartzen dizkigute erradarrak. Zaindu bideak!

Atzoko komisaldegiko galdeketak Kontakturako nazioarteko taldearen inguruan harridura sortu zuen. Goiz honetan Bakerako forumaren gela mukurru betea zen. Tokiko politikoak hor zeuden, Brisson, Lasserre, Allaux, Capdevielle, Ezenarro, Espaganc. Tokiko alderdi sozialista bikain ordezkatua zen, ahaleginetan ari dira hauteskundeetako bezperan. Haatik egiten duten indarra ez da Parisen entzuna.

Bi mahai inguru, gomendioen edukiaren inguruan lehenik eta ondoren gomendioen aplikazioaren inguruan. Iritzi desberdinak, publikoaren kezkei erantzunez, denek alde bakartasunaz joanez bidea eginen dela zioten.

Jean Pierre Massisek forumaren sintesia ederra egin du,problematikaren itzulia bikaina eskainiz: aldebakartasuna aitzinean jarri du, horrek eramanen dituela ikusi nahi ez dutenak entzutera eta egitera.

Arramoldaketa handia da, oroimena landu behar da, euskal gatazka gai politikoa da eta erantzun politikoa beharko da, hau azpimarratu du irakasleak. Arazoari demokratikokoari erantzun beharko da.

Prozesua indar biderketa bilakatuko da, iniziatiba berriekin gizartearen eremu zabaletan. Gomendioek horretan laguntzen dutela dio. Nahiz eta gizartean gaiaz kezka handirik oihartzun berria etorriko da forumari esker, bertan gertatzen denarekin beste tokietan gertatzen dena ulertzen laguntzen baikaitu. Konzientzia hartze horretan parte hartu behar dugu. Euskal Gatazka arazo politikoa dela aitortzeko beharra mahai gainean geldituko da eta horri erantzun politikoa eman beharko zaio. Ondorioen gaia gainditzen delarik gatazko politikoaren muinera heldu beharko zaio eta tresna politikoekin konpondu.

Justizia transizionala aipatzeko kolokioa antolatuko dute datorren udan Ipar Euskal Herrian, Krimea aipatuko da, Palestina. Nazioarteko kolokioa izanen da, hedadura emanez bake prozesuari.  Justizia maila horren azterketarekin eremu berrien hunkitzeko aukera izanen da.

Goizeko 10:30tan abiatuko dira Libertimenduak. Kultur berreskuratze bikainak ezagutzea merezi dute, hedapena ezagut dezaten. Maskarada Bilbon ikusi ondoren, baliteke Libertimenduak ere antolatzea. Kultura bizitzeko, gozatzeko eta hedatzeko baita.

Ohituraz, Garaziko ihauteriak bi denboratan ospatzen ziren: lehenik Santibate, zirtzilen besta, oroitarazteko negua beti hor zela. Ondotik Libertimendua, bolanten besta, primaderaren hastapena markatzeko. Duela zonbait urte Donibane Garaziko Garaztarrak dantza taldeak ohitura xahar horier segipen bat emaiteko xedearekin lan egiten du.

Bolanta, Baxenafartar kabalkadaren pertsonai nagusia da, Libertimendiaren bitartez goresten dena. Denbora berean, ospakizun horrek erakusten du primaderak neguari gaina hartzen diola, bolantek zirtzilak kanporatzen dituzten bezala.

Patxi Iriart eta Battit Crouspeyre bertsularien parte hartzearekin.